Yoano 6:41 - MUKANDA USANDU WA ZAMBI 1975

⁴¹ Kashika A-Yunda alinyenyetene hali iye, mumu wambile ngwenyi, Mbolo yize yahulumukine mwilu yami.

Mukanda Wa Zambi 1970

⁴¹ Ayuda yaabutuka kulinyenyeta hakutwala kuli Yesu, mumu wambile ngwenyi: “Yami nguli ye mbolo yize yahulumukine mwilu.”

Yoano 6:41 Iomraidhean Croise

Luka 15:2

Mba A-Fwariseu ni akwa kusonyeka alinyenyetene ngwo, Yono kakutambula yivulumunyi, kakulia hamwe no.

Luka 19:7

Muze achimwene, o eswe anyenyetene, ngwo, Haya nikutula ku zuwo lia lunga yoze wapwa chivulumunyi.

Luka 5:30

A-Fwariseu ni akwa kusonyeka jo alinyenyetene hali tumbaji twenyi, nikwamba ngwo, Kuchi te nunali, nunanu hamwe ni akwa kufwetesa lijimu ni yivulumunyi?

Yoano 1:19

Yino ye Shindakenyo ya Yoano, muze A-Yunda atumine ku Yerusaleme asasendote ni A-Levi, hanga akamuhule ngwo, Yena iya?

Yoano 6:33

Mumu ye mbolo ya Zambi yoze mahulumuka mwilu, mahana mwono kuli akwa hashi.

Yoano 6:43

Yesu waakumbulwile ngwenyi, Kanda nulinyenyeta hakachi kenu.

Yoano 6:48

Mbolo ya mwono yami.

Yoano 6:58

Yino ye mbolo yahulumukine mwilu: kuchapwile ngwe tulamba twenu alile maná, afwile; yoze malia mbolo yino kumakapwa ni mwono ndo ku miaka ya mutolo.

Yoano 6:60

Anji kashika a kuli tumbaji twenyi muze evwile chino, ambile ngwo, Liji lino likalu; iya mahasa kulivwa?

Yoano 6:66

Mumu ha chino anji a kuli tumbaji twenyi ayile kunyima, kaliendelele nenyi nawa.

Yoano 7:12

Kwapwile kulinyenyeta chinji hali iye hakachi ka mbunga; amwe ambile ngwo, Iye mupema; akwo ambile ngwo, Ka, alioze kakupiangula mbunga.

1 Korintu 10:10

Chipwe kanda nulinyenyeta ngwe amwe a kuli ayo alinyenyetene, mba aonwene kuli chenyeke.

Yuda 1:16

Wano akwa kulinyenyeta, akwa kulinyengetela, akwenda nikulita ni usolo wo ene; (ni makanwa jo kakuhanjika maliji anene a kulivwimba), kakulinga ni katonde, akafumbuke ene.