Yoano 6:2 - MUKANDA USANDU WA ZAMBI 1975

² Mbunga yinene amukawile, mumu amwene yilayi yize alingile hali mieji.

Mukanda Wa Zambi 1970

² Mbunga yinene yaamukaula, mumu te haamona yilayi yize alingile yakuwuka mieji.

Yoano 6:2 Iomraidhean Croise

Mateu 12:15

Alioze Yesu ha kuchinyingika wayile kweka, ni mbunga jinji amukawile; waawukile eswe.

Mateu 13:2

Mbunga jinene akungulukile kuli iye, chocho wanjilile mu ulungu; watwamine, ni mbunga yeswe amanyine ha ngenge.

Mateu 14:14

Yesu ha kutuhuka wamwene mbunga yinene, yaavwila keke, yawuka mieji jo.

Mateu 8:1

Muze te hapalumuka ku mulundu, mbunga jinene jamukawile.

Marku 1:45

Alioze watuhukile, waputukile kuchambujola chikolo, nikufumanyisa che chuma, chocho Yesu kahashile kunjila nawa kumeso ja atu mu limbo, alioze wapwile haze mu puya: no apwile nikwizaza kuli iye ku malumbu eswe.

Marku 6:33

Atu aamwene kukatuka, ni anji nanyingikine, o akatukile ku membo eswe, azombokeleleko hashi, ahangile kuheta, mba akungamine kuli iye.

Yoano 11:47

Asasendote akwa lutwe kashika ni A-Fwariseu alikungulwile mukutwama punga, o ambile ngwo, Kuchi mutulinga? Mumu yono mutu kakulinga yilayi yinji.

Yoano 12:18

Ha chikuma chino nawa mbunga amupatwijile, mumu evwile ngwo, Halinga chilayi chino.

Yoano 12:37

Alioze chipwe hanalingi kulu yilayi yinji chikolo kumeso jo, hindu kamufulielele:

Yoano 2:11

Chino chitangu cha ku yilayi yenyi Yesu wachilingile mu Kena, chihunda cha mv Ngalileya, nikusolola uhenya wenyi; ni tumbaji twenyi amufulielele.

Yoano 2:23

Muze apwile mu Yerusaleme ku Chizomboka, ku chiwanyino, anji afulielele jina lienyi, ha kumona yilayi yenyi yize apwile nikulinga.

Yoano 20:30

Yilayi yinji yikwo kashika Yesu wayilingile kumeso ja tumbaji twenyi, yize kuyasonewene mu mukanda uno.

Yoano 3:2

Iye wayile kuli Yesu ha ufuku, wambile kuli iye ngwenyi, Longeshi, tunanyingika yena uli longeshi unakatuka kuli Zambi; mumu niumwe mahasa kulinga yilayi yize yena wakulinga shina Zambi mapwa hamwe nenyi.

Yoano 6:14

Kashika muze atu amwene chilayi chize alingile Yesu, ambile ngwo, Yono chamwenemwene mwe profeta yoze meza hano hashi.

Yoano 6:22

Muze hikwacha, mbunga yize amanyine mu sali lia Chitende amwene kukwapwile wato ukwo shina umuwika, ni Yesu kanjililemo hamwe ni tumbaji mu wato, alioze tumbaji twenyi ayile ukawo.

Yoano 6:26

Yesu waakumbulwile, ngwenyi, Pundu, pundu ngunambe kuli yenu ngwami, Nunangufupu, hi ha yilayi yize nwamwene ko, alioze mumu nunakalia mbolo, nunakakuta.

Yoano 6:30

Ambile kuli iye kashika ngwo, Mba chilayi chika mulinga hanga tumone, tukufuliele? Chika wakulinga?