Yoano 5:44 - MUKANDA USANDU WA ZAMBI 1975

⁴⁴ Ngwe kuchi munuhasa kufuliela, yenu, nwakulichichimieka umwe kuli mukwo ni mukwo, kunushi kufupa uhenya uze wa kuli mwe Zambi umuwika.

Mukanda Wa Zambi 1970

⁴⁴ Nwakuzanga kulifumanyisa yenwene. Kunushi kufupa lufuma wa Zambi, mba ngwe kuchi munuhasa kufuliela?

Yoano 5:44 Iomraidhean Croise

2 Sango Ja Mianangana 6:8

Alioze Yehova yamba kuli tata David ngwenyi, Chipema te chapwile mu mbunge ye kutunga zuwo ha jina liami.

Jeremia 13:23

Te Ka-Etiopia mahasa kwalumuna kowa lienyi? Hanji changwi mahasa kwalumuna yipeka yenyi? Nyi o mahasa ni yenu munuhasa kulinga yipema, yenu nwalijilila nikulinga yipi.

Mateu 23:5

Yitanga yo yeswe kakuyilinga akamoneke kuli atu: mumu kakutohesa yipenya yo, kakutohesa mapula jo.

Luka 19:17

Wambile kuli iye ngwenyi, Hiunalingi kanawa, yena ndungo mupema; mumu wapwa wamwenemwene ni chikepekepe, pwako ni chiyulo cha kumi lia membo.

Yoano 12:43

mumu azangile uhenya wa atu, hi uhenya wa Zambi ko.

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 3:20

Mumu mweswe wakulinga yipi keshi kuzanga pangu, keshi kwiza ku pangu, kuchina mamukumika ha yitanga yenyi.

Yoano 5:41

Chishi kutambula uhenya kuli atu.

Yoano 8:43

Kuchi te kunwanyingikine kuhanjika chami? Mumu te kunwahashile kwivwa liji liami.

A-ROMA 2:10

alioze uhenya, ni ulemu, ni sambukila, kumuyikapwa kuli mutu ni mutu wakulinga yipema, hatangu kuli A-Yunda ni kuli A-Ngresia nawa.

A-ROMA 2:29

alioze iye Ka-Yunda yoze wapwa chocho ku yuma ya muchima; ni ungalami wa mbunge, mu spiritu, hi mu lusona ko; uhaliso wenyi hi wa kuli atu ko, alioze wa kuli Zambi.

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

2 Korintu 10:18

Mumu hi yoze ko malisangalisa mamusela Shindakenyo yipema, alioze yoze Mwene mamusangalisa.

Filipu 2:3

Kanda nulinga nichimwe ku Spiritu ya kulitachika, hanji ya uhenya wamokomoko, alioze ni mbunge ya kulikehesa, mweswe anyonge ngwenyi, Mukwetu wanguhiana.

1 Tesalonika 2:6

chipwe tukafupe uhenya kuli atu, chipwe kuli yenu, chipwe kuli akwo, ka, muze te twahasa kunulemena ngwe apostolo ja Kristu.

1 Timoteu 1:17

Haliapwila kuli Mwanangana wa mutolo, keshi kuhasa kupola, keshi kumoneka, mwe Zambi umuwika, ulemu ni uhenya ukapwe ndo ku miaka yeswe ya mutolo. Amene.

Hebreu 3:12

Kanyamenu, mandumbu, kuchina hanji muyipwa muli umwe hakachi kenu mbunge ya ungulungulu ya kuhona Ufulielo, ha kukatuka kuli Zambi ya mwono.

Tiangu (Jake) 2:1

Mandumbu jami, kanda nukapwa ni katonde hamwe ni Ufulielo wa Mwene Yesu Kristu, mwe Mwene wa uhenya.

1 Petulu 1:7

hanga kweseka cha Ufulielo wenu, ulemu wahiana chikolo oru yize ya kutoka, chipwe mayeseka ni kahia, akauwane wa uhaliso ni uhenya ni ulemu ha usolwelo wa Yesu Kristu:

Yuda 1:25

Kuli Zambi umuwika, Chilamwina chetu, mu jina lia Yesu Kristu Mwene wetu, uhenya, ni ulamba, ni ndundo, ni yiyulo, yikapwe kushi ku miaka ya mutolo, ni haliapwila, ni ndo ku miaka ya mutolo. Amene.

1 Samuel 15:30

Mba Saulu yamba ngwenyi, Hingunavulumuna, hindu, nungulemese kama haliapwila kumeso ja makulwana a atu jami ni kumeso ja A-Izalele. Hilukenu nwize ni yami ngukawayile Yehova Zambi yenu.

1 Samuel 2:30

Kashika Yehova Zambi ya Izalele kanambe ngwenyi, Chamwenemwene nambile ngwami, Munyachi we ni munyachi wa tatenu kumakenda kumeso jami ndo ku miaka ya mutolo. Alioze haliapwila Yehova kanambe ngwenyi, Chikapwe kusuku ni yami, mumu waze mangulemesa ni yami mungwalemesa, alioze waze mangulelesa kumakasauka.