Yoano 5:3 - MUKANDA USANDU WA ZAMBI 1975

³ Muze mwene mwapombele chizavu cha mieji, ni tupuputa, ni yilema, ni akwa kusosewa, te kanatatatata kufuza cha meya:

Mukanda Wa Zambi 1970

³ Mu yisambwe yino, mieji anji te akubomba mo: tupuputa, ni yitonji, ni akwa mijimba yasosewa. [Atu te kaakushimbwila kufuza cha meya,

Yoano 5:3 Iomraidhean Croise

1 Yitanga Ya Mianangana 13:4

Ha kwivwa liji lia mwe mutu wa Zambi lize ambile lia kulimika ni chilumbilo mu Mbetele mwanangana Jeroboame yazoza kwoko lienyi ku chilumbilo ngwenyi, Mukwatenu! Alioze kwoko lienyi lize azozele yilisosewa, kahashile kulihilwisa nawa.

Yishima 8:34

Kawaha yoze mangwivwa, nikulayila tangwa ha tangwa ku yikolo yami, nikutwaminyina ku yikuli ya mapito jami.

Lungungu 3:26

Chinapeme mutu akatwaminyine ulamwino wa Yehova nikulifwita ka.

Zakaria 11:17

Lamba kuli kafunga wamokomoko, yoze wakwehuka mapanga! Katana amulambe mu kwoko lienyi ni mu liso lienyi lia chindume! Kwoko lienyi likasosewe liakulu ni liso lienyi lia chindume Ukafwe liakulu.

Mateu 15:30

Mbunga jinene ejile kuli iye, anehene yilema, ni tupuputa, ni tumama, ni yitonji, ni akwo anji, alipupwishile kwatumbika ku yiliato ya Yesu; neye waawukile;

Mateu 4:24

Lufuma wenyi wafumanyine mu Seria mweswe; anehene kuli iye waze eswe ayijile, a kukwachika ni misongo yeka ni yeka ni yipupilo, ni akwa ndemoniu, ni akwa musongo wa ngulu, ni akwa kalepa, waawukile.

Luka 7:22

Mba Yesu wakumbulwile ngwenyi, Yénu, nukambulwile Yoano chize hinwamona, ni chize hinwevwa; tupuputa kanalaula ku meso, yilema kanende, akwa mbumba kanapeme, ni afwa-matwi kanevu, afu kanahinduka, kuli yiswale kakwambujola sango lipema.

Yoano 5:2

Achi, muchili mu Yerusaleme ku chikolo cha mapanga, Chitende, mu limi lia Hepreu ngwo, Mbeteseta, chili ni yingalala yitano.

Yoano 5:4

mumu mungelo wa Mwene wahulumukine ha mwaka ni mwaka ku Chitende, nikufujisa meya: ni mweswawo waliangile kunjilamo kulutwe lia kufuza cha meya, wapwile mungunu ku musongo weswawo wakwachikile nawo.

A-ROMA 8:25

Alioze kachi twakutalatala chize kutushi kumona, kachi ni uhumikizo twakuchilawoka.

Tiangu (Jake) 5:7

Kashika lihumikizenu, mandumbu, ndo ku kuheta cha Mwene. Talenu, njimi matalatala mihuko yilemu ya hashi, malihumikiza ndo muyitambula vula wa musazu ni vula wa samakwasa.