Yoano 5:25 - MUKANDA USANDU WA ZAMBI 1975

²⁵ Pundu, pundu ngunambe kuli yenu ngwami, Ola muyiza, ni haliapwila hiyaheta, muze afu makevwa liji lia mwe Mwana Zambi; ni waze mevwa kumakapwa ni mwono.

Mukanda Wa Zambi 1970

²⁵ Chamwenemwene ngunanwambe ngwami, ola muyiza, hiyeza kulu, muze afu maakevwa liji lia Mwana Zambi, ni muze maakalivwa, maakabwa ni mwono.

Yoano 5:25 Iomraidhean Croise

Luka 15:24

Mumu yono mwanami wapwile mufu, kali ni mwono cheka nawa; watokele, mba hamuwana. O aputukile kusehejela.

Luka 15:32

Alioze chatamba kusehejela nikuwahilila; mumu yono mwanakwenu wapwile mufu, mba kali ni mwono cheka nawa; watokele, mba hamuwana.

Luka 9:60

Alioze Yesu wambile kuli iye ngwenyi, Afu afunde afu jo; alioze yako yena, ukambujole wanangana wa Zambi.

Yoano 13:1

Achi, shimbu te chiwanyino cha Chizomboka kanda chiheta, Yesu nikunyingika ola yenyi hiyeza akatuke hashi akaye kuli mwe Tata, se hanazange nienyi mwene, waze apwile hano hashi, waazangile ndo ku songo.

Yoano 17:1

Yesu wahanjikile yino yuma; iye nikuhetula meso jenyi kwilu, wambile ngwenyi, Tata, ola hiyeza; chichimieka Mwané, hanga Mwané nawa akakuchichimieke.

Yoano 4:21

Yesu yamba kuli iye ngwenyi, Pwo, ngufuliele, ola muyiza, muze chipwe hi mu mulundu uno ko, chipwe hi mu Yerusaleme ko, munukawayila mwe Tata.

Yoano 4:23

Alioze ola muyiza, ni haliapwila hiyaheta, muze akwa kuwayila amwenemwene makawayila Tata mu uspiritu ni mu umwenemwene: mumu mwe Tata kakufupa atu ngwe wano apwe akwa kumuwayila.

Yoano 5:21

Mumu chizechene ngwe mwe Tata kakuhindwisa afu, kakwapwisa ni mwono, chocho nawa mwe Mwana kakwapwisa ni mwono waze mapala.

Yoano 5:28

Kanda nukomoka ha chino: mumu ola muyiza, muze waze eswe ali mu matuka makevwa liji lienyi,

Yoano 6:60

Anji kashika a kuli tumbaji twenyi muze evwile chino, ambile ngwo, Liji lino likalu; iya mahasa kulivwa?

Yoano 8:43

Kuchi te kunwanyingikine kuhanjika chami? Mumu te kunwahashile kwivwa liji liami.

Yoano 8:47

Yoze wa kuli Zambi kakwivwavwa maliji a Zambi: ha chikuma chino yenu kunushi kwevwa, mumu hi nuli akwa Zambi ko.

Yoano 9:27

Waakumbulwile ngwenyi, Hinanwambulwila kulu, kunwapanjikileko; kuchi te nunazange kuchivwa cheka nawa? Yenu nawa nunazange kupwa tumbaji twenyi?

A-ROMA 6:4

Hanatufundu kashika hamwe nenyi ku upapachiso mu kufwa; hanga chizechene ngwe hanahindwisa Kristu hakachi ka afu akachichimieke mwe Tata, chocho yetu nawa tukende mu mwono waha.

Efesu 2:1

Ni yenu nwapwile afu mu Utanguko wenu ni mu milonga yenu,

Efesu 2:5

chipwe muze twapwile afu mu milonga yetu, hanatupwisa ni mwono hamwe ni Kristu (ku vumbi hananulamwina).

Efesu 5:14

Kashika kanambe ngwenyi, Laula, yena uli mu tulo, uhinduke hakachi ka afu, ni Kristu makakutemukina.

Kolosu 2:13

Ni yenu, se nwapwile afu mu milonga yenu, ni mu ulima wa musunya wenu, yenu ngwami, Hananupwisa ni mwono hamwe nenyi, se hanatukonekena milonga yetu yeswe;

Usolwelo 3:1

Kuli mungelo wa chikungulwila cha ku Sarte Soneka ngwe, Yino yuma kanambe yoze uli ni maspiritu shimbiali a Zambi, ni matongonoshi shimbiali ngwenyi, Ngunanyingika yitanga ye, jina uli nalio ngwe, mwono ukwete, aiioze kuunafu.