Yoano 5:23 - MUKANDA USANDU WA ZAMBI 1975

²³ hanga eswe akalemese mwe Mwana, chizechene ngwe akulemesa mwe Tata. Yoze keshi kulemesa mwe Mwana keshi kulemesa mwe Tata, yoze wamutumine.

Mukanda Wa Zambi 1970

²³ hanga atu eswe akalemese Mwana ngwe chize akulemesa Tata. Yoze keshi kulemesa Mwana, keshi kulemesa Tata yoze wamutumine.

Yoano 5:23 Iomraidhean Croise

Miaso (Masamu) 2:12

Mbejenu mwe Mwana, kuchina matenuka mba munukuwa mu jila, mumu utenu wenyi muusasaminya washi. Kawaha waze eswe akuswama muli iye. Samu lia David muze achinyine kumeso ja mwanenyi Absalome.

Izaya 42:8

Yami Yehova, lie jina liami alio; uhenya wami chichi kuhana kuli niumwe mukwo. Chichi kuhana uhaliso wami ku tuponya twa kwola.

Izaya 44:6

Yehova, Mwanangana wa Izalele, Mukwa-Kukula, Yehova-wa-Tujita kanambe ngwenyi, Yami mutangu ni yami kasula-songo; kukushi zambi niumwe shina yami mwene.

Izaya 45:15

Pundu, yena Zambi ya Izalele, mwe Chilamwina, uli umwe Zambi wakuswama.

Izaya 45:21

Ambululenu chikuma chenu nukachilumbunune. Atwame punga. Yoze walwezele chuma chino kulu, iya? Yoze wachambulwilile ku miaka ya kushi, iya? Hi yami ko, Yehova? Kukushi nawa zambi mukwo shina yami mwene, Zambi ya ululi, Chilamwina; kukushi mukwo shina yami mwene.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Mateu 10:37

Yoze mafwila tato hanji naye kuhiana yami, kangutelele; yoze mafwila mwanenyi wa lunga, hanji mwanenyi wa pwo kuhiana yami, kangutelele.

Mateu 11:27

Kanangukunjika yuma yeswe kuli Tata, mba niumwe manyingika mwe Mwana, shina Tata, chipwe niumwe manyingika Tata, shina mwe Mwana, ka, ni kuli mweswawo mwe Mwana mapala kumusolola.

Mateu 12:21

Ku jina lienyi akwa mavungu kumakatalatala.

Mateu 15:8

Wano atu kakungulemesa ni mivumbo yo; Alioze mbunge jo jili kusuku ni yami.

Mateu 28:19

Yénu kashika, nukatayise tumbaji a ku mavungu eswe, nikwapapachisa mu jina lia Tata, ni lia Mwana, ni lia Spiritu Musandu:

Luka 10:16

Yoze manwivwa, mangwivwa yami; ni yoze malituna yenu, malituna yami; ni yoze malituna yami, malituna yoze wangutumine.

Yoano 14:1

Mbunge jenu kanda jilipikala: nwafuliela Zambi, fulielenu yami nawa.

Yoano 16:14

Kumakanguchichimieka, mumu makatambula yuma yami, makanwambulwilayo.

Yoano 17:10

Ni yuma yize yeswe niyami, niye; ni vize niye, niyami: kananguchichimieka nayo.

A-ROMA 1:7

Kuli waze eswe ali mu Roma kanaazange chikolo kuli Zambi, hanaatambika asandu: Vumbi kuli yenu ni sambukila ya kuli Zambi Tata yetu ni Mwene Yesu Kristu.

A-ROMA 15:12

Cheka nawa, Izaia kanambe ngwenyi, Kumukukapwa chikota cha Yese, ni yoze makakatuka hanga akayule mavungu; hali iye mavungu kumakatalatala.

A-ROMA 6:22

Alioze haliapwila se hinunatusuka ku shili, hinunapu ndungo ja Zambi, mihuko nuli nayo ndo ku usandu, ni songo liawo, mwono wa mutolo.

A-ROMA 8:9

Alioze yenu hi nuli mu musunya ko, alioze muli Spiritu, kachi chamwenemwene Spiritu ya Zambi watwama muli yenu. Alioze kachi umwe keshi ni Spiritu ya Kristu, auze hi niwenyi ko.

1 Korintu 1:3

Vumbi kuli yenu ni sambukila ya kuli Zambi Tata ni kuli Mwene Yesu Kristu.

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

1 Korintu 16:22

Kachi umwe keshi kufwila Mwene, akashingiwe. Mwe Mwene kaneza.

1 Korintu 6:19

Kuma, kunwanyingikine nyi, mujimba wenu unapu tembele ya Spiritu Musandu, yoze uli muli yenu, yoze nuli nenyi wa kuli Zambi? Hi nuli a yenwene ko;

2 Korintu 1:9

Ewa, twapwile ni upatwilo wa kufwa muli yetwene, kanda tulifuliela yetwene, alioze tukafuliele Zambi yoze wakuhindwisa afu:

2 Korintu 13:14

Vumbi lia Mwene Yesu Kristu, ni zango lia Zambi, ni kuliendela cha Spiritu Musandu chikapwe hamwe ni yenu eswe.

2 Korintu 5:14

Mumu zango lia Kristu kuliakutulingisa; mumu chocho tunapatula, ngwetu, Umuwika wafwilile eswe, kashika eswe afwile;

2 Korintu 5:19

ngwetu, Zambi wapwile muli Kristu nikuwanyisa akwa hashi kuli iye mwene, kaasele milonga yo; iye hatukunjika lie liji lia uwanyino.

Efesu 6:24

Vumbi likapwe hamwe ni waze eswe akuzanga Mwene wetu Yesu Kristu ni zango liamwenemwene.

2 Timoteu 1:12

Ha chikuma chino nawa, nakwivwa lamba lia yino yuma; alioze chishi kwivwa sonyi; mumu ngunanyingika yoze hingunamufuliela; ngunakunuka ngwami, Kanahase kufunga chize hingunamukunjika ndo tangwa lize.

Hebreu 1:6

Cheka nawa muze maneha mutangu hano hashi mamba ngwenyi, Ni angelo eswe a Zambi amuwayile.

2 Petulu 1:1

Yami Semone Petulu, ndungo kanda postolo wa Yesu Kristu, Kuli waze hanazuku Ufulielo ulemu wa kulita ni uze niwetu, ku ululi wa Zambi yetu kanda Chilamwina Yesu Kristu:

2 Petulu 3:18

Alioze tatukenu mu vumbi ni yinyingi ya Mwene wetu kanda Chilamwina chetu Yesu Kristu. Uhenya ukapwe kuli iye, ni haliapwila, ni ndo ku miaka ya mutolo. Amene.

1 Yoano 2:23

Mweswawo malikala mwe Mwana keshi ni mwe Tata nawa: yoze matayiza mwe Mwana, kali ni mwe Tata nawa.

2 Yoano 1:9

Mweswe matanguka, keshi kutwama mu longeso lia Kristu, iye keshi ni Zambi; yoze matwama mu longeso lia Kristu, kali ni eswe aali, ni mwe Tata ni mwe Mwana.