Yoano 5:20 - MUKANDA USANDU WA ZAMBI 1975

²⁰ Mumu mwe Tata kakufwila mwe Mwana, kakumulweza yuma yize yeswe iye mwene wakulinga: iye kumakamulweza yitanga yinene yahiana yino, hanga nukakomoke.

Mukanda Wa Zambi 1970

²⁰ Mumu Tata kakuzanga mwe Mwana. Kakumulweza yize akulinga iye mwene. Makamulweza nawa yitanga yikwo yinahiana yino. Munukalishimwoka,

Yoano 5:20 Iomraidhean Croise

Mateu 11:27

Kanangukunjika yuma yeswe kuli Tata, mba niumwe manyingika mwe Mwana, shina Tata, chipwe niumwe manyingika Tata, shina mwe Mwana, ka, ni kuli mweswawo mwe Mwana mapala kumusolola.

Mateu 17:5

Shimbu te machihanjika, lelwa lia kutemuka liaazulaminyine Chizulie, ni liji liatuhukile mu lelwa ngwo, Yono mwe Mwanami, ngunamuzange chikolo, muli iye ngunawahilila; mwivwenu.

Mateu 3:17

Ni liji liatuhukile mu malilu ngwo, Yono mwe Mwanami, ngunamuzange chikolo, muli iye ngunawahilila.

Mateu 4:8

Cheka nawa, Ndiapu yamutwala ku mulundu usuku chikolo, yamulweza mawanangana eswe a hano hashi ni uhenya wo:

Luka 10:22

Kanangukunjika yuma yeswe kuli Tata; mba niumwe manyingika chize mwe Mwana apwa shina Tata; ni chize apwa Tata shina mwe Mwana, ni yoze mweswawo mwe Mwana mapala kumusolola.

Yoano 1:18

Niumwe wamwene Zambi niumwe mwaka; mwe Mwana wa wika, yoze uli mu kondo ya Tata, iye hanamusolola.

Yoano 10:32

Yesu waakumbulwile ngwenyi, Yitanga yinji yipema hingunanulweze ya kuli Tata; ha chitanga chika cha yize munungwashila mawe?

Yoano 14:12

Pundu, pundu, ngunambe kuli yenu ngwami, Yoze mangufuliela, yitanga yize nakulinga yami, iye nawa kumakayilinga; ni yitanga yinene yahiana yino kumakayilinga; mumu ngunayi kuli Tata.

Yoano 15:15

Chichi kunuvuluka nawa ngwami, Ndungo; mumu ndungo kanyingikineko chize Mwene wenyi malinga; alioze hingunanuvuluka ngwami, Tusendo; mumu yuma yize yeswe nevwile kuli Tata, hingunanunyingikisayo.

Yoano 17:26

naanyingikishine jina lie, mungukaanyingikisalio; hanga zango lize hiunanguzange nalio, likapwe muli ayo, ni yami muli ayo.

Yoano 3:35

Mwe Tata kakuzanga mwe Mwana; hanakunjika yuma yeswe mu kwoko lienyi.

Yoano 5:21

Mumu chizechene ngwe mwe Tata kakuhindwisa afu, kakwapwisa ni mwono, chocho nawa mwe Mwana kakwapwisa ni mwono waze mapala.

Yoano 5:25

Pundu, pundu ngunambe kuli yenu ngwami, Ola muyiza, ni haliapwila hiyaheta, muze afu makevwa liji lia mwe Mwana Zambi; ni waze mevwa kumakapwa ni mwono.

Yoano 5:29

makatuhuka; waze hanalingi yipema ku uhindukilo wa mwono; ni waze hanalingi yipi ku uhindukilo wa upatwilo.

2 Petulu 1:17

Mumu watambwile kuli Zambi mwe Tata ulemu ni uhenya, muze ahanjikile liji lino kuli iye ku uhenya wa ulamba ngwo, Yono mwe Mwanami, ngunamuzange chikolo, muli iye ngunawahilila.