Yoano 5:19 - MUKANDA USANDU WA ZAMBI 1975

¹⁹ Yesu kashika waakumbulwile, ngwenyi, Pundu, pundu, ngunambe kuli yenu ngwami, Mwe Mwana keshi kuhasa kulinga nichimwe ukawenyi shina cheswacho mamona mwe Tata kakulinga: mumu yuma yeswayo akulinga iye, yino nawa mwe Mwana kakulinga chizechene.

Mukanda Wa Zambi 1970

¹⁹ Mba Yesu yaakumbulula ngwenyi: “Chamwenemwene ngunanwambulwila ngwami, mwe Mwana keshi kulinga nichimwe iye mwene. Kakulinga chize akumona kuli Tato. Yize yeswe Tata akulinga, ni mwe Mwana kakuyilinga.

Yoano 5:19 Iomraidhean Croise

Ubutukilo 1:1

Ha uputukilo Zambi watangile malilu ni hashi.

Ubutukilo 1:26

Zambi yamba ngwenyi, Tulingenu mutu mu chano chetu, mwe mu kulifwa chetu. Akapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia yimuna, ni helu lia hashi heswe, ni helu lia akwa kukalala eswe aze akukalala hashi.

Miaso (Masamu) 138:3

Tangwa nasanyikine kuli yena wangukumbulwile. Wangutakamishine ni tachi mu mbunge yami.

Miaso (Masamu) 27:14

Twaminyina Yehova! Takama, mbunge ye yikajikize. Ewa, twaminyina Yehova. Samu lia David.

Miaso (Masamu) 50:6

Malilu mambulula ululi wenyi, mumu Zambi mwene iye mwe Chipatula-milonga.(Litulike.)

Kutuhuka 4:11

Yehova yamba kuli iye ngwenyi, Watangile kanwa lia mutu iya? Iya mapwisa mutu kamama? Hanji kafwa-matwi, hanji mukwa kulaula meso, hanji kapuputa? Hi yami ko Yehova nyi!

Yishima 2:6

Mumu Yehova kakuhana mana. Ku kanwa lienyi kwakutuhuka yinyingi ni malinjekela.

Izaya 44:24

Yehova, Mukwa-Kukukula, yoze wakuwumbile chize mu jimo, kanambe ngwenyi, Yami nguli Yehova, Tangi ya yuma yeswe, mukwa kuzazulula malilu ukawami, mukwa kuzazulula hashi—te iya napwile nenyi?

Izaya 45:24

Kumakachamba ha kutwala kuli yami ngwo, Muli Yehova wika mwatwama ululi ni tachi. Waze eswe amuvwilile wuli kumeza kuli iye ni sonyi.

Jeremia 17:10

Yami Yehova kunakupolongoza mu manyonga ni kweseka mbunge, hanga ngukahane kuli mutu mweswe nikulita ni ndako jenyi, nikulita ni mihuko ya yitanga yenyi.

Mateu 26:39

Wasosolokele kulutwe hakepe, wafulamanyine nikulemba ngwenyi, Tata, nyi muchitá, musenge uno ukatuke kuli yami: hindu kanda chikapwa ngwe yami ngunapale, alioze ngwe yena unapale.

Luka 21:15

Mumu kumungukanwaha kanwa ni mana, aze akwa kulimika ni yenu eswe kechi kahasa kuchinda chipwe kuhamika.

Yoano 10:18

Niumwe mauchiza kuli yami, alioze munguutumbika yami mwene. Chiyulo nguli nacho cha kuutumbika, ni chiyulo nguli nacho cha kuwanda cheka nawa. Shimbi yino nayitambwile kuli mwe Tata.

Yoano 12:49

Mumu chahanjikile cha kuli yami mwene; alioze Tata yoze wangutumine, iye mwene hanangwehe shimbi, chize mungwamba, ni chize munguhanjika.

Yoano 12:50

Ngunanyingika shimbi yenyi, mwono wa mutolo; yuma yize kashika nakuhanjika, chizechene ngwe Tata hanambe kuli yami, chocho nakuhanjika.

Yoano 14:10

Kuchi kufuliela, yami nguli muli Tata, ni Tata muli yami, nyi? Maliji aze ngunahanjika kuli yenu, chishi kwahanjika a kuli yami mwene: alioze Tata yoze watwama muli yami, kakulinga yitanga yenyi.

Yoano 2:19

Yesu waakumbulwile ngwenyi, Onwonenu tembele yino, mba ha matangwa atatu mungukayihindwisa.

Yoano 3:3

Yesu wamukumbulwile ngwenyi, Pundu, pundu, ngunambe kuli yena ngwami, Mutu kahashile kumona wanangana wa Zambi shina masemuka kwilu.

Yoano 5:21

Mumu chizechene ngwe mwe Tata kakuhindwisa afu, kakwapwisa ni mwono, chocho nawa mwe Mwana kakwapwisa ni mwono waze mapala.

Yoano 6:38

Mumu hingunahulumuka mwilu, hi mukulinga upale wa yami mwene ko, alioze upale wa yoze wangutumine.

Yoano 8:28

Yesu kashika wambile kuli ayo ngwenyi, Muze hinwazundula mwe Mwana Mutu, hohene munukanyingika yoze nguli; chishi kulinga nichimwe cha kuli yami mwene; alioze chizechene ngwe Tata wangulongesele, nakuhanjika yino yuma.

Yoano 9:4

Changutamba kulinga yitanga ya yoze wangutumine shimbu kuchili mwalwa: ufuku muwiza muze niumwe mahasa kulinga.

Yilinga 2:24

mwenawo Zambi hanamuhindwisa, nikukasulula yikola ya kufwa, mumu te kahashile kukwachika ni tachi jacho.

A-ROMA 6:4

Hanatufundu kashika hamwe nenyi ku upapachiso mu kufwa; hanga chizechene ngwe hanahindwisa Kristu hakachi ka afu akachichimieke mwe Tata, chocho yetu nawa tukende mu mwono waha.

A-ROMA 8:11

Alioze kachi Spiritu ya yoze wahindwishile Yesu hakachi ka afu watwama muli yenu, kachi yoze wahindwishile Kristu Yesu hakachi ka afu, makapwisa ni mwono nawa mijimba yenu ya kufwa mumu hali Spiritu yenyi yoze watwama muli yenu.

1 Korintu 15:12

Achi, nyi anambujola Kristu, ngwe hanamuhindwisa hakachi ka afu, ngwe kuchi amwe hakachi kenu anambe ngwo, Uhindukilo wa afu wakuhi niumwe?

2 Korintu 4:14

tunanyingika yoze wahindwishile Mwene Yesu Kristu, makatuhindwisa yetu nawa hamwe ni Yesu, kumakatuhetesa kumeso jenyi hamwe ni yenu.

2 Korintu 5:10

Mumu chatamba akatusolole eswe kulutwe lia chitwamo cha upatwilo wa Kristu; hanga eswe akatambule yuma yize alingile mu mujimba, nikulita ni chize alingile, chipwe chipema, chipwe chipi.

Efesu 2:5

chipwe muze twapwile afu mu milonga yetu, hanatupwisa ni mwono hamwe ni Kristu (ku vumbi hananulamwina).

Efesu 3:16

hanga akanwehe, nikulita ni kulumbama cha uhenya wenyi, kunutakamisa ni tachi kuli Spiritu yenyi muli mutu wa muchima;

Filipu 3:21

Mwenawo kumakalumuna mujimba wetu wa ulelu hanga ukalifwe ni mujimba wa uhenya wenyi, nikulita ni kulinga chize kanahase nacho kuzeyesa chipwe yuma yeswe kuli iye mwene.

Filipu 4:13

Kunahasa kulinga yuma yeswe muli yoze wakunguhashisa.

Kolosu 1:11

nukalikoleze ni tachi jeswe nikulita ni ndundo ja uhenya wenyi, hanga nukapwe ni utunu weswe ni uhomboloji hamwe ni uwahililo:

Kolosu 1:16

mumu kuli iyo yuma yeswe yatangiwile, mu malilu ni hano hashi, yuma yize yakumoneka, ni yize kuyishi kumoneka, chipwe ngunja ja mianangana, hanji wene, hanji mawanangana, hanji yiyulo: yuma yeswe yatangiwile kuli iye, ni hali iye;

1 Tesalonika 4:14

Mumu nyi hinafuliela ngwetu, Yesu yafwa, yahinduka, chocho waze nawa hanayi tulo, Zambi, kuli Yesu, kumakaaneha hamwe nenyi.

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.