Yoano 5:18 - MUKANDA USANDU WA ZAMBI 1975

¹⁸ Ha chikuma chino kashika A-Yunda afupile kuhiana kumushiha; kuchapwile mumu hatangula Sambata wika, ka, alioze wambile nawa ngwenyi, Zambi iye Tata, nikulitesa ni Zambi.

Mukanda Wa Zambi 1970

¹⁸ Kashika Ayuda yaafupa kuhiana kumushiha. Hi ha kushiha Shimbi ya tangwa lia kuhwima wika ko, alioze nawa mumu yamba ngwenyi, Zambi kali lume Tato, nikulitesa ni Zambi.

Yoano 5:18 Iomraidhean Croise

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Mateu 12:5

Hanji kunwatangile mu shimbi ngwe ha masambata, asasendote mu tembele kakutangula Sambata hindu keshi chitela, nyi?

Yoano 1:19

Yino ye Shindakenyo ya Yoano, muze A-Yunda atumine ku Yerusaleme asasendote ni A-Levi, hanga akamuhule ngwo, Yena iya?

Yoano 10:30

Yami ni Tata tuli umuwika.

Yoano 10:33

A-Yunda amukumbulwile ngwo, Ha chitanga chipema kutuchi kukwasa mawe, alioze ha kushililika Zambi; mumu yena, se uli mutu, wakulipwisa Zambi.

Yoano 14:23

Yesu wamukumbulwile, ngwenyi, Kachi umwe manguzanga, kachi mafunga liji liami; ni mwe Tata makamuzanga, kumutukeza kuli iye, mutukatenga muma mwetu mwa kutwama hamwe nenyi.

Yoano 14:9

Yesu yamba kuli iye ngwenyi, Nguli hamwe ni yenu shimbu lipwa haha, hindu kwangunyingikine, Fwilipe? Yoze wangumona, hamona mwe Tata; ngwe kuchi unambe ngwe, Tulweze kama mwe Tata?

Yoano 19:7

A-Yunda amukumbulwile ngwo, Shimbi tuli nayo, nikulita ni shimbi yetu chamutamba kufwa, mumu hanalipwisa mwe Mwana Zambi.

Yoano 5:15

Yoze mutu wayile, wambulwilile A-Yunda ngwenyi, Iye Yesu yoze wangupwisanga mungunu.

Yoano 5:16

Ha chikuma chino A-Yunda ahungumionene Yesu, mumu walingile yino yuma ha tangwa lia Sambata.

Yoano 5:17

Alioze Yesu waakumbulwile ngwenyi, Tata kalinga ndo haliapwila, ni yami nakulinga.

Yoano 5:23

hanga eswe akalemese mwe Mwana, chizechene ngwe akulemesa mwe Tata. Yoze keshi kulemesa mwe Mwana keshi kulemesa mwe Tata, yoze wamutumine.

Yoano 7:1

Kulutwe lia yino yuma, Yesu wendele mu Ngalileya; mumu kazangile kwenda mu Yundeya, mumu A-Yunda afupile kumushiha.

Yoano 7:19

Mose wanuhele shimbi, nyi? Hindu niumwe wa kuli yenu wakulinga shimbi. Kuchi te nunafupu kungushiha?

Yoano 8:54

Yesu wakumbulwile ngwenyi, Kachi ngunalichichimieka, kachi uhenya wami wamokomoko: yoze wakunguchichimieka mwe Tata; yoze nwakwamba ngwenu, Iye Zambi yetu.

Yoano 8:58

Yesu wambile kuli ayo ngwenyi, Pundu, pundu, ngunambe kuli yenu ngwami, Muze te Apalahama kanda apwa, yami nguli.

Filipu 2:6

Iye se chimuwika apwa ni Zambi, kanyongene ngwenyi, Kulita ni Zambi chuma chamutamba kuchipunda.

Usolwelo 22:1

Mba wangulwezele lwiji wa meya a mwono, wa kutemuka ngwe kristale, kanatuhuka mu ngunja ya Zambi ni mwe Mwana-panga.

Usolwelo 22:3

Ni kukuchi kapwa nawa shingo; ni ngunja ya Zambi ni mwe Mwanapanga kumuyikapwamo: ni ndungo jenyi kumakamulingila.