Yoano 5:13 - MUKANDA USANDU WA ZAMBI 1975

¹³ Alioze yoze wahindukile, kamunyingikineko; mumu te Yesu hasewunukamo, se kwapwile mbunga.

Mukanda Wa Zambi 1970

¹³ Alioze yoze wahindukile kamunyingikine ko, mumu mbunga yinene abwile ko, ni Yesu te haya.

Yoano 5:13 Iomraidhean Croise

Luka 24:31

Ni meso jo alawile, o amunyingikine; iye watokele ha meso jo.

Luka 4:30

Alioze iye, nikupalika ndusu mukachi ko, wayile kwenyi.

Yoano 14:9

Yesu yamba kuli iye ngwenyi, Nguli hamwe ni yenu shimbu lipwa haha, hindu kwangunyingikine, Fwilipe? Yoze wangumona, hamona mwe Tata; ngwe kuchi unambe ngwe, Tulweze kama mwe Tata?

Yoano 5:12

Amuhulile ngwo, Mutu yoze wambanga kuli yena ngwenyi, Anda chalo che, wende, iya?

Yoano 5:14

Kulutwe Yesu yamuwana mu tembele, yamba kuli iye ngwenyi, Tala, hiwapwa mungunu: kanda ukavulumuna nawa, kuchina chuma chipi chahiana muchikuwana.

Yoano 8:59

Anjile kashika mawe hanga amwase; alioze Yesu waswamine, watuhukile mu tembele nikupalika ndusu mukachi ko wayile kwenyi, chocho wahianyine.