Yoano 4:9 - MUKANDA USANDU WA ZAMBI 1975

⁹ Pwo Ka-Samaria kashika yamba kuli iye ngwenyi, Ngwe kuchi yena, uli Ka-Yunda, unechi meya kuli yami, nguli pwo Ka-Samaria? (Mumu A-Yunda keshi kuliendela nichimwe ni A-Samaria).

Mukanda Wa Zambi 1970

⁹ Pwo, Kasamaria, yahula Yesu ngwenyi: “Mhmm! Ngwe kuchi yena Kayuda unangwichi yami Kasamaria meya a kunwa?” (Mumu Ayuda ni Asamaria te keeshi kulikata.)

Yoano 4:9 Iomraidhean Croise

Mateu 10:5

Wano kumi ni aali Yesu waatumine, waahele koki ngwenyi, Kanda nukaya mu jila ya akwa mavungu, kanda nunjila mu limbo lia A-Samaria:

Luka 10:33

Alioze umwe Ka-Samaria, shimbu maya mu wenyi, wahetele kuli iye: muze amumwene, wevwile keke,

Yoano 4:27

Hohene tumbaji twenyi ejile; o akomokene kumona anahanjika ni pwo; hindu niumwe wambile ngwenyi, Kuchi unafupu? Hanji ngwenyi, Kuchi te unahanjika nenyi?

Yoano 8:48

A-Yunda amukumbulwile ngwo, Kutwambile kanawa ngwetu, Yena uli Ka-Samaria ni ndemoniu ukwete, nyi?

Yilinga 1:8

Alioze kumunukatambula tachi, muze Spiritu Musandu heza hali yenu: kumunukapwa yela jami, ni mu Yerusaleme, ni mweswe mu Yundeya, ni Samaria, ni ndo ku kasula-songo lia hashi.

Yilinga 10:28

wambile kuli ayo ngwenyi, Yenu nunanyingika ngwe kuchalitele hali Ka-Yunda kulifutula, hanji kuliendela ni umwe wa ku vungu likwo, alioze Zambi hanangulweza ngwenyi, Kanda uvuluka niumwe mupi hanji wa luchisa:

Yilinga 10:32

Kashika tuma ku Yopa, Ukasake Semone, jina lienyi likwo Petulu; kanamuzeke mu zuwo lia Semone mukwa kukotongola ku sesa lia kalunga-lwiji, iye muze meza makahanjika ni yena.