Yoano 4:48 - MUKANDA USANDU WA ZAMBI 1975

⁴⁸ Yesu kashika wambile kuli iye ngwenyi, Kunuchi kufuliela nichimwe shina munumona yilayi ni yipekesa.

Mukanda Wa Zambi 1970

⁴⁸ Yesu yamwamba ngwenyi: “Nyi kunwamwene yilayi ni yikomokeso, kunuchi kufuliela.”

Yoano 4:48 Iomraidhean Croise

Daniel 4:2

Ngunamono chipema ngunulweze yilayi ni yikomokeso yize Zambi Chitunda halinga kuli yami.

Daniel 6:27

Kakupulula, kakulamwina, kakulinga yilayi ni yikomokeso mwilu ni hashi, yono mwene hanalamwina Daniel, ku tachi ja ndumba.

Kwalula 14:11

Yehova yamba kuli Mose ngwenyi, Ndo mwiji muka wano atu mapwa nikungunyehuna? Ndo mwiji muka keshi kungufuliela, chipwe o hanamono yilayi yeswe nalingile hakachi ko?

Mateu 16:1

A-Fwariseu ni A-Satuseu ejile kuli iye, nikumweseka, amwichile kwalweza chilayi cha mwilu.

Mateu 24:24

Mumu akristu a kwonga ni aprofeta a kwonga kumakasoloka, no makasolola yilayi yinene ni yikomokeso; hanga nyi machihasa, akapiangule chipwe waze hanaatongola.

Mateu 27:42

Walamwinyine akwo, mwene kahashile kulilamwina. Iye mwe Mwanangana wa Izalele; asunuke haliapwila ku kulusu, mba mutumufuliela.

Marku 13:22

mumu akristu a kwonga ni aprofeta a kwonga kumakeza, makalweza yilayi ni yipekesa mukupiangula chipwe waze hanaatongola, kachi maahasa.

Luka 10:18

Iye wambile kuli ayo ngwenyi, Namwene Satana kanaholoka mwilu ngwe muhenyo.

Luka 16:31

Yamba kuli iye ngwenyi, Nyi keshi kwivwa Mose ni aprofeta, chipwe kechi kakunuka, kachi umwe mahinduka hakachi ka afu.

Yoano 12:37

Alioze chipwe hanalingi kulu yilayi yinji chikolo kumeso jo, hindu kamufulielele:

Yoano 15:24

Kachi chalingile hakachi ko yitanga yize niumwe mukwo walingile, kachi keshi mulonga: alioze haliapwila hanamono, hanavwila kole nawa ni yami ni Tata.

Yoano 2:18

A-Yunda kashika amukumbulwile ngwo, Chilayi chika mulweza kuli yetu se wakulinga yino yuma?

Yoano 20:29

Yesu yamba kuli iye ngwenyi, Mumu hiwangumona hiwafuliela; kawaha waze kangumwene hindu hanafuliela.

Yoano 4:49

Chilolo yamba kuli iye ngwenyi, Mwene, Palumuka kama shimbu mwanami kanda afwa.

Yilinga 14:3

Anyongonweneko kashika shimbu linene, nikuhanjika ni hamu muli Mwene, mwenawo washindakenyene ku liji lia vumbi lienyi se atayijile yilayi ni yipekesa akayilinge ku moko jo.

Yilinga 15:12

Chizavu cheswe aholele kulungunga; o apanjikile kuli Mbarnavwe ni Paulu shimbu ambulwile ha kutwala ku yilayi ni yipekesa yize alingile Zambi hakachi ka akwa mavungu ku moko jo.

Yilinga 2:19

mungukalweza yipekesa mwilu, ni yilayi hashi; manyinga, ni kahia, ni chishichishi cha mwishi:

Yilinga 2:22

Yenu A-Izalele, ivwenu maliji ano: Yesu Ka-Nazare, lunga ashindakenyene kuli Zambi ni yipupu ni yipekesa, ni yilayi yize Zambi walingile ku kwoko lienyi mukachi kenu, chizechene ngwe nunanyingika yenwene;

Yilinga 2:43

Ni woma wejile hali atu eswe, ni yipekesa ni yilayi yinji ayilingile ku moko ja apostolo.

Yilinga 4:30

shimbu muolola kwoko lie mukuhindwisa; hanga akalinge yilayi ni yipekesa ku jina lia Kavumbi ke musandu Yesu.

Yilinga 5:12

Mba ku moko ja apostolo alingile yilayi yinji ni yipekesa hakachi ka atu: o apwile ni mbunge yimuwika mu Senge lia Solomone.

Yilinga 6:8

Mba Eshetevau, wa tò ni vumbi ni tachi, walingile yipekesa ni yilayi yinene hakachi ka atu.

Yilinga 7:36

Yono Waachijileko nikulinga yipekesa ni yilayi mu chifuchi cha Engitu, ni mu Kalunga-lwiji Muchila, ni mu puya makumi awana a miaka.

A-ROMA 15:19

ni tachi ja yilayi ni yipekesa, ni tachi ja Spiritu Musandu; chocho chize ku Yerusaleme, nikujinga ndo ku Iliriku, hingunamanununa kwambujola sango lipema lia Kristu:

1 Korintu 1:22

Se A-Yunda kakwita yilayi, A-Ngresia kakufupa mana.

2 Korintu 12:12

Chamwenemwene twalingile yilayi ya upostolo hakachi kenu, ni utunu weswe, ni yilayi, ni yipekesa, ni yipupu.

2 A-TESALONIKA 2:9

Kuheta cha mwe chihulia chinalite ni kulinga cha uhenge kuli waze akutoka; Satana ni tachi jeswe ni yilayi ni yipupu ya mahuza,

Hebreu 2:4

Zambi nikushindakenya nawa hamwe no, ni yilayi ni yipekesa, ni yipupu yeka ni yeka, ni kwanyina cha Spiritu Musandu, nilulita ni kupala chenyi mwene.