Yoano 4:40 - MUKANDA USANDU WA ZAMBI 1975

⁴⁰ Kashika muze A-Samaria ahetele kuli iye, aliumbile kuli iye, atwame hamwe no; iye watwamineko matangwa aali.

Mukanda Wa Zambi 1970

⁴⁰ Mba muze Asamaria ahetele kuli Yesu, yaamulembejeka hanga atwame hamwe no. Neye yatwama ko matangwa aali.

Yoano 4:40 Iomraidhean Croise

Ubutukilo 32:26

Mba mwe lunga yamba ngwenyi, Ngweche nguye, mumu kunachi. Iye yamukumbulula ngwenyi, Chichi kukwecha ndo munguwahisa.

Yishima 4:13

Kakaminya ku kufumba chami, kanda uchehuka. Uchifunge kanawa mumu chapwa mwono we.

Mwaso Ubema Wahiana 3:4

Munguchikatuka kuli ayo, hinawana yoze ngunamuzange ni mbunge yami. Namukakaminya, chatayile kumwecha ndo namuhetesa ku zuwo lia mama, mwe mu chipatulo cha yoze wangumichile.

Jeremia 14:8

Ena, kutalatala cha Izalele, chilamwina cho ha tangwa lia lamba, kuchi te unapu ngwe chilambala mu chifuchi, ngwe ngeji yoze majingako akapombe ufuku umuwika?

Luka 10:39

Iye wapwile ni mwanakwo, jina lienyi Maria, yoze Watwamine nawa ku yiliato ya Yesu, nikwivwa liji lienyi.

Luka 24:29

O amukwikile ngwo, Twama hamwe ni yetu; mumu chinakundama ku chingoloshi, ni tangwa kuliendala chikolo. Iye wanjilile mukutwama no.

Luka 8:38

Alioze yoze lunga muli iye atuhukile andemoniu, waliumbile kuli iye hanga akapwe hamwe nenyi: alioze washikile nenyi ngwenyi,

Yoano 4:39

Anji a kuli A-Samaria a ku limbo lize amufulielele mumu ha liji lia pwo, yoze washindakenyene ngwenyi, Iye kangwambulwilanga yuma yize yeswe nayilingile.

Yoano 4:41

Anji akwo afulielele mumu ha liji lienyi mwene;

Yoano 4:43

Kulutwe lia matangwa aali, wakatukile kuze, wayile ku Ngalileya.

Yilinga 16:15

Muze te hamupapachisa, ni akwa zuwo lienyi, waliumbile kuli yetu ngwenyi, Kachi unangumono wamwenemwene kuli Mwene, njilenu mu zuwo liami, nukatwamemo; mba watukokesele.

Yilinga 8:8

Mwapwile uwahililo unene mu limbo lize.

Usolwelo 3:20

Tala, ngunamana ku pito, ngunangongwela: kachi umwe mevwa liji liami, mázulula pito, mungunjila kuli iye, mungulia hamwe nenyi, neye hamwe ni yami.