Yoano 4:36 - MUKANDA USANDU WA ZAMBI 1975

³⁶ Yoze macha matambula fweto, iye mahela mihuko ya kutwala ku mwono wa mutolo; hanga ni yoze makuwa ni yoze macha akawahilile hamuwika.

Mukanda Wa Zambi 1970

³⁶ Yoze wakubatula mihuko kakutambula fweto yenyi, ni kakukungika mbuto mumu ha mwono wa miaka yeswe. Chenacho yoze wakutumba ni yoze wakubatula kaakuwahilila hamuwika.

Yoano 4:36 Iomraidhean Croise

Yishima 11:18

Chingulungulu kakulambula fweto ya kwonga; alioze yoze makuwa ululi kali ni kwononona chamwenemwene.

Yishima 11:30

Mihuko ya akwa ululi yapwa ngwe mutondo wa mwono; ni mukwa mana kakukoka mbunge ja atu.

Daniel 12:3

Waze ali ni mana kumakapanguka ngwe pangu lia mwilu. Waze matewulwila anji ku ululi makapanguka ngwe matongonoshi ndo ku miaka yeswe ya mutolo.

Mateu 19:29

Ni mweswe hanahichika mazuwo, hanji ana-akwo, hanji mandumbu, hanji tato, hanji naye, hanji mukwo-pwo, hanji ana, hanji minda, mumu ha jina liami, kumakatambula kulakaji lia yisuho, mba makahinga mwono wa mutolo.

Yoano 3:36

Yoze mafuliela mwe Mwana, mwono wa mutolo kali nawo; yoze keshi kwononoka kuli mwe Mwana, kechi kamona mwono, alioze utenu wa Zambi kuwatwama hali iye.

Yoano 4:14

alioze mweswawo manwa meya aze mungumwaha yami, kechi kevwa pwila nichimwe ku miaka ya mutolo; alioze meya aze mungumwaha kumakapwa muli iye fuji lia meya lia kuvwelwoka ku mwono wa mutolo.

Yoano 5:24

Pundu, pundu, ngunambe kuli yenu ngwami, Yoze mevwa liji liami, akafuliele yoze wangutumine, mwono wa mutolo ali nawo, kechi kanjila mu upatwilo, alioze hanakatuka ku kufwa, hananjila mu mwono.

A-ROMA 1:13

Mumu ngunazange nunyingike, mandumbu, ngwe kanji nahalile kuheta kuli yenu, hanga ngukapwe ni mihuko yimwe hakachi kenu nawa, chizechene ngwe hakachi ka akwa mavungu akwo (alioze angukwikile ndo haliapwila).

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

A-ROMA 6:22

Alioze haliapwila se hinunatusuka ku shili, hinunapu ndungo ja Zambi, mihuko nuli nayo ndo ku usandu, ni songo liawo, mwono wa mutolo.

A-ROMA 6:23

Mumu fweto ya shili kufwa; alioze chawana cha vumbi lia Zambi, mwono wa mutolo muli Kristu Yesu Mwene wetu.

1 Korintu 9:17

Mumu kachi mungulinga chino ku upale wa yami mwene, kachi mungupwa ni fweto: alioze kachi hi ku upale wa yami mwene ko, kanangukunjika uselo.

1 Korintu 9:18

Fweto yami kevwe yika? Yino, muze mungwambujola sango lipema, mungupwisa sango lipema Hawana, hanga chichi kalinga ni chiyulo chami cheswe mu sango lipema.

1 Tesalonika 2:19

Mumu chika kutalatala chetu, hanji uwahililo, hanji chipangula cha kulisamba? Hi yenwene ko kumeso ja Mwene wetu Yesu ha kuheta chenyi, nyi?

1 Timoteu 4:16

Kanyama kuli yena mwene ni ku longeso lie. Nyongonona mu yino yuma; mumu ha kulinga chino, mukalilamwina yena mwene ni waze akukwivwa nawa.