Yoano 4:34 - MUKANDA USANDU WA ZAMBI 1975

³⁴ Yesu yamba kuli ayo ngwenyi, Kulia chami ngukalinge upale wa yoze wangutumine, hanga ngukamanunune milimo yenyi.

Mukanda Wa Zambi 1970

³⁴ Yesu yaamba ngwenyi: “Yakulia yami yino: Kwononokena upale wa yoze wangutumine ni kumanununa milimo yize anguhele kulinga.

Yoano 4:34 Iomraidhean Croise

Jobe 23:12

Chahichikile shimbi ja mu kanwa lienyi; hinasweka mu mbunge yami maliji jenyi ngwe upite ulemu.

Miaso (Masamu) 40:8

Ngunawahilila kulinga upale we, Zambi yami. Ewa, shimbi je jinasonewa muchima lia mbunge yami.

Mateu 26:39

Wasosolokele kulutwe hakepe, wafulamanyine nikulemba ngwenyi, Tata, nyi muchitá, musenge uno ukatuke kuli yami: hindu kanda chikapwa ngwe yami ngunapale, alioze ngwe yena unapale.

Mateu 3:15

Alioze Yesu wamukumbulwile ngwenyi, Chitayize haliapwila: mumu chocho chatutamba kumanununa ululi weswe. Hohene yamutayiza.

Mateu 9:19

Yesu wakatukile, wamukawile hamuwika ni tumbaji twenyi.

Luka 15:10

Chizechene ngwami, Uwahililo kuuli kumeso ja angelo ja Zambi ha chivulumunyi umuwika yoze malikonyeka.

Luka 19:10

Mumu mwe Mwana Mutu wejile mukufupa ni kulamwina yoze hanatoko.

Luka 2:49

Iye wambile kuli ayo ngwenyi, Kuchi te nunakangufupa? Kunwanyingikine ngwe changutamba kulinga yuma ya Tata, nyi?

Yoano 17:4

Nakuchichimiekene hano hashi; se hingunamanununa chitanga chize wanguhele kulinga.

Yoano 19:28

Kulutwe lia chino, Yesu, se kananyingika yuma yeswe hiyamanunuka, hanga chisoneko chikamanunuke, yamba ngwenyi, Pwila ngunevu.

Yoano 19:30

Muze te kashika Yesu hatambula vinagre, wambile ngwenyi, Chinamanunuka: iye washachilile mutwe wenyi, wakunjikile Spiritu yenyi.

Yoano 4:32

Alioze wambile kuli ayo ngwenyi, Yami, kulia nguli nacho chize kunwanyingikine.

Yoano 5:30

Chishi kuhasa kulinga nichimwe ukawami: ngwe nakwivwa, chocho nakupatula: ni upatwilo wami wa ululi; mumu chishi kufupa upale wami, alioze upale wa yoze wangutumine.

Yoano 5:36

Alioze Shindakenyo yize nguli nayo yinahiana yize ya Yoano; mumu yitanga yize anguhele Tata, hanga ngukayimanunune, yitanga yiyene nakulinga, kuyakushindakenya hali yami ngwo, Tata hanangutumu.

Yoano 6:33

Mumu ye mbolo ya Zambi yoze mahulumuka mwilu, mahana mwono kuli akwa hashi.

Yoano 6:38

Mumu hingunahulumuka mwilu, hi mukulinga upale wa yami mwene ko, alioze upale wa yoze wangutumine.

Yoano 8:29

Yoze wangutumine hwali hamwe ni yami; Tata kanguhichikile ukawami; mumu nakulinga matangwa eswe yuma yize ya kupemena kuli iye.

Yilinga 20:35

Mu yuma yeswe nanuhele cheseko, ngwe nikukilikita chocho, Chanutamba kukwasa akwa ulelu, nikwiwuluka maliji a Mwene Yesu, iye mwene wambile ngwenyi, Chinawaha kutambula alioze Shinaho kuhana.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.