Yoano 4:29 - MUKANDA USANDU WA ZAMBI 1975

²⁹ Tweyenu, nukamone mutu, yoze wangwambulwilanga yuma yize yeswe nayilingile: kuma, yono mwe Kristu, nyi?

Mukanda Wa Zambi 1970

²⁹ “Tweyenu nutale mutu yoze wangwambulwilanga yeswe yize nalingile. Yono hi Chilamwina ko yoze Zambi alakenyene, nyi?”

Yoano 4:29 Iomraidhean Croise

Mateu 12:23

Ni mbunga jeswe alishikishilile, ambile ngwo, Yono mwe mwana David, nyi?

Yoano 4:25

Pwo yamba kuli iye ngwenyi, Ngunanyingika Mesaya meza, yoze anambe ngwo, Kristu: muze meza makatwambulwila yuma yeswe.

Yoano 4:28

Pwo kashika wahichikile sapa yenyi, wayile ku limbo, yamba kuli atu ngwenyi,

Yoano 4:30

Hohene atuhukile mu limbo, ayile kuli iye.

Yoano 4:39

Anji a kuli A-Samaria a ku limbo lize amufulielele mumu ha liji lia pwo, yoze washindakenyene ngwenyi, Iye kangwambulwilanga yuma yize yeswe nayilingile.

Yoano 7:26

Kumanyi, kanahanjika mwazu, o keshi kwamba nichimwe kuli iye! Kuma, akwa kuyula chamwenemwene kananyingika ngwo, Iye mwe Kristu, nyi?

Yoano 7:31

Alioze anji a ku mbunga amufulielele, o ambile ngwo, Muze Kristu meza malinga yilayi yahiana yize yono hanalingi, nyi?

Usolwelo 22:17

Ni Spiritu ni ndungi kanambe ngwo, Tweya. Ni yoze mevwa ambe ngwenyi, Tweya. Ni yoze mevwa pwila eze: ni yoze mazanga atambule meya a mwono chawana.

1 Samuel 9:19

Samuel yakumbulula ngwenyi, Mukwa kumona yami. Tetekela ku nangamo. Muolia ni yami musono, mba hamene chimene mungukusola, mungukulweza yize yeswe yili mu mbunge ye.