Yoano 4:25 - MUKANDA USANDU WA ZAMBI 1975

²⁵ Pwo yamba kuli iye ngwenyi, Ngunanyingika Mesaya meza, yoze anambe ngwo, Kristu: muze meza makatwambulwila yuma yeswe.

Mukanda Wa Zambi 1970

²⁵ Pwo ngwenyi: “Ngunanyingika Chilamwina yoze Zambi alakenyene makeza, yoze anavuluka ngwo: Kristu. Muze makeza makatulumbunwina yuma yeswe.”

Yoano 4:25 Iomraidhean Croise

Mateu 1:16

Yakomba wasemene José, lunga lia Maria, kuli mwenawo kwasemukine Yesu, yoze anamuvuluka ngwo, Kristu.

Mateu 27:17

Kashika muze akungulukile, Pilatu ngwenyi, Iya nunazange ngunutuswileye, shina Mbarapa nyi shina Yesu yoze jina lienyi ngwo, Kristu?

Mateu 27:22

Pilatu yamba kuli ayo ngwenyi, Kuchi kevwe mungulinga ni Yesu yoze jina lienyi ngwo, Kristu? O eswe yamba ngwo, Amuhachile ha kulusu.

Luka 2:11

Mumu musono, mu limbo lia David, Chilamwina kanasemuka kuli yenu, iye Kristu mwe Mwene.

Yoano 1:49

Natanele wamukumbulwile ngwenyi, Longeshi, mwe Mwana Zambi yena; mwe Mwanangana wa Izalele yena.

Yoano 4:29

Tweyenu, nukamone mutu, yoze wangwambulwilanga yuma yize yeswe nayilingile: kuma, yono mwe Kristu, nyi?

Yoano 4:39

Anji a kuli A-Samaria a ku limbo lize amufulielele mumu ha liji lia pwo, yoze washindakenyene ngwenyi, Iye kangwambulwilanga yuma yize yeswe nayilingile.

Yoano 4:42

o ambile kuli pwo ngwo, Haliapwila tunafuliela, hi ha liji lie ko: mumu hitunamwivu yetwene, tunanyingika yono chamwenemwene mwe Kristu, mwe Chilamwina cha akwa hashi.