Yoano 4:23 - MUKANDA USANDU WA ZAMBI 1975

²³ Alioze ola muyiza, ni haliapwila hiyaheta, muze akwa kuwayila amwenemwene makawayila Tata mu uspiritu ni mu umwenemwene: mumu mwe Tata kakufupa atu ngwe wano apwe akwa kumuwayila.

Mukanda Wa Zambi 1970

²³ Alioze ola muyiza ni hiyeza kulu, yize akwa kuwayila amwenemwene maawayila mu mbunge ni mu umwenemwene, mumu Tata kakuzanga akwa kumuwayila ngwe waze.

Yoano 4:23 Iomraidhean Croise

1 Sango Ja Mianangana 29:17

Zambi yami, ngunanyingika yena kuwakweseka mbunge, kuwakuwahilila ni ululi. Ha kutwala kuli yami mu kutuwika cha mbunge yami hinahana yino yuma yeswe nikulikomonona. Mba hinamona ni chiseke atu je wano anasu kuno kanakulambula ni mbunge.

Miaso (Masamu) 147:11

Yehova kakuwahilila muli waze akumuvwila woma, ni muli waze akutalatala ku keke yenyi.

Miaso (Masamu) 17:1

Ivwa kama chize Chinalulama, Yehova; panjika kama ku muteto wami. Ivwa kama kulemba chami kuchatuhukile ku mivumbo ya kalimbalimba.

Miaso (Masamu) 32:2

Kawaha mutu yoze Yehova keshi kumwalwila uhenge; mu Spiritu yenyi kumwatwamine kalimbalimba.

Miaso (Masamu) 51:6

Pundu yena wakuzanga umwenemwene mu michima. Mukangulongesa mana muze mwahengama.

Yishima 15:8

Chitapo cha chingulungulu chapwa chizelwokeso kuli Yehova; alioze kulemba cha mukwa ululi chamuwahila chinji.

Mwaso Ubema Wahiana 2:14

Katele kami mu yivwenge ya mu mawe mu mena a mu mbongo, ngutale meso je! Ngwivwe liji lie! Mumu liji lie liawaha, meso je kanapeme.

Izaya 10:20

Ha tangwa lize masalila ja A-Izalele ni waze kafwile a ku munyachi wa Yakomba, kechi kujamina nawa hali mukwa kwalamba, alioze majamina chamwenemwene hali Yehova, mwe Musandu wa Izalele.

Izaya 29:13

Mwene wambile ngwenyi, Wano atu kanakundama kuli yami ni makanwa jo ni kungulemesa ni mivumbo yo, alioze mbunge jo kusuku jili ni yami, ni woma akunguvwila wapwa shimbi yimwe ya atu lianalilongesa kupalikila;

Izaya 43:21

atu aze nawumbile hali yami mwene hanga akambulule uhaliso wami.

Izaya 58:2

Hindu kakungufupa tangwa ha tangwa, ni kuwaha ha kunyingika ndako jami, ngwe umwe munyachi wa kulinga ululi, ngwe kambilile shimbi ya Zambi yo. Kakungwita upatwilo wa ululi, kakuwaha ni kukundama kuli Zambi.

Jeremia 3:10

Alioze chipwe ni yino yuma yeswe hindu yayo wa mahuza Yunda kahilukile kuli yami ni mbunge yeswe alioze yalionga. Chocho kanambe Yehova.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Ezekiel 22:30

Ami yingufupa umwe hakachi ko, mutu yoze matunga nawa chipanga-cha-mawe, ni kumana mu chituwa kumeso jami kulamwina chifuchi, kanda nguchonwona, alioze chawanyine niumwe.

Yoano 1:17

Mumu ahanyine shimbi ku kwoko lia Mose; vumbi ni umwenemwene yejile kuli Yesu Kristu.

Yoano 12:23

Yesu yaakumbulula, ngwenyi, Ola hiyeza, mwe Mwana Mutu akanjile mu uhenya wenyi.

Yoano 16:2

kumakanukatwisa ku masunangonga; ewa, mwaka muwiza, muze mweswawo manushiha, makashinginyeka ngwe kanalingi milimo ya Zambi.

Yoano 16:32

Talenu, ola muyiza, ewa, hiyeza, muze munukamwangana mweswe kuli nienyi mwene, munukanguhichika ukawami; hindu yami hi nguli ukawami ko, mumu Tata hwali hamwe ni yami.

Yoano 4:21

Yesu yamba kuli iye ngwenyi, Pwo, ngufuliele, ola muyiza, muze chipwe hi mu mulundu uno ko, chipwe hi mu Yerusaleme ko, munukawayila mwe Tata.

Yoano 5:25

Pundu, pundu ngunambe kuli yenu ngwami, Ola muyiza, ni haliapwila hiyaheta, muze afu makevwa liji lia mwe Mwana Zambi; ni waze mevwa kumakapwa ni mwono.

Yoano 5:28

Kanda nukomoka ha chino: mumu ola muyiza, muze waze eswe ali mu matuka makevwa liji lienyi,

A-ROMA 1:9

Mumu Zambi iye chela chami, yoze nakumulingila ni spiritu yami mu sango lipema lia Mwanenyi, ngwe nakunuvulwoka mu yilemba yami nikulitwamina nichimwe;

A-ROMA 8:15

Mumu yenu kunwatambwile Spiritu ya undungo cheka nawa mukwivwa woma; alioze nwatambwile Spiritu ya kunupwisa ana, yoze twakuteta nenyi ngwetu, Ta-ta, Tata.

A-ROMA 8:26

Chizechene Spiritu nawa kakukwasa ulelu wetu: mumu kutwanyingikine kulemba ngwe chinalite; alioze Spiritu iye mwene kakutuhakwila ni mikuma yize keshi kuhasa kuyihanjika;

Galashia 4:6

Mba se nuli ana, Zambi hanatumu Spiritu ya Mwanenyi mu mbunge jetu, kanatambika ngwenyi, Ta-ta, Tata.

Efesu 6:18

Lembenu matangwa eswe ni kuliumba cheswe ni kuliondela cheswe muli Spiritu, nikulayilako, ni kunyongonona cheswe, nikuliumba hali asandu eswe.

Filipu 3:3

Mumu yetu tuli akwa ungalami, yetu twakulingila Zambi muli Spiritu, twakulisamba muli Kristu Yesu, kutushi kufuliela musunya.

Yoshua 24:14

Kashika vwilenu woma Yehova haliapwila, numulingile ni mbunge yimuwika ni kushishika. Chizenu hakachi kenu mazambi aze tulamba twenu akombelelele sali lize lia Lwiji, ni mu Engitu, hanga nukalingile Yehova.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

1 Samuel 12:24

Chino wika ngwami, Vwilenu woma Yehova nukamulingile mu umwenemwene ni mbunge jenu jeswe, nukazewule yuma yinene yipwa haha hananulingila.