Yoano 4:22 - MUKANDA USANDU WA ZAMBI 1975

²² Yenu nwakuwayila chize kunwanyingikine: yetu twakuwayila chize tunanyingika; mumu ulamwino wa kuli A-Yunda.

Mukanda Wa Zambi 1970

²² Yenu Asamaria kunwanyingikine chize nwakuwayila. Yetu Ayuda tunanyingika chize twakuwayila, mumu ulamwino wa kuli Ayuda.

Yoano 4:22 Iomraidhean Croise

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

Ezra 4:2

o yeza kuli Zorobabele ni kuli akwa lutwe a minyachi ya atato ngwo, Tutayizenu kutunga hamwe ni yenu; mumu ni yetu nawa tunafupu Zambi yenu chimuwika ni yenu. Ni yetu nawa twakumulambula yitapo chize ku matangwa a Ezare-Hadone mwanangana wa Asuria yoze watunehene kuno.

Miaso (Masamu) 147:19

Kakulweza liji lienyi kuli Yakomba, ni yiyulo yenyi ni upatwilo wenyi kakuyilweza kuli Izalele.

Miaso (Masamu) 68:20

Zambi hapwa kuli yetu Zambi ya kupulula. Kutuhuka mu kufwa chapwa cha kuli Yehova mwe Mwene.

Izaya 12:2

Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

Izaya 12:6

Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.

Izaya 2:3

Akwa minyachi yinji meza ngwo, Tuyenu tukanduke ku mulundu wa Yehova, ku zuwo lia Zambi ya Yakomba; atulongese ndako jenyi tukende mu majila jenyi. Mumu mwe mu Zaione mumutuhukila shimbi, liji lia Yehova mulituhuka mu Yerusaleme.

Izaya 46:13

Mungukundamisa ululi wami, kuwapwile kusuku ka. Ulamwino wami kuuchi kalaluka. Mungusa ulamwino mu Zaione, hali Izalele uhenya wami.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Luka 24:47

akambujole mu jina lienyi kulikonyeka ni ukonekeno wa milonga ku mavungu eswe, nikuputuka ku Yerusaleme.

Yilinga 17:23

Mumu shimbu napalikile, natalile ha makombelelo jenu, nawanyine chilumbilo ni chisoneko chino ngwo, Kuli Zambi Yoze Kutwamunyingikine. Yoze kashika nwakuwayila ha kwalajala, iye ngunamwambujola kuli yenu.

Yilinga 17:30

Miaka ya kwalajala kashika Zambi walihumikijine nayo; alioze haliapwila kakwamba atu eswe kweswe alikonyeke.

Yilinga 3:26

Kuli yenu hatangu, Zambi, se hanasolola Kavumbi kenyi Yesu, wamutumine mukunuwahisa, ha kunukondolola mutu mweswe ku ungulungulu wenyi.

A-ROMA 11:18

kanda ukalisamba ha mitango; alioze kachi mulisamba, hi yena ko wakumbata muji, alioze muji wakukumbata yena.

Hebreu 7:14

Mumu chinasoloka pundu Mwene wetu iye wa ku vungu lia Yunda; ha kutwala ku vungu lize Mose kahanjikile nichimwe ha kutwala ku usasendote.