Yoano 4:21 - MUKANDA USANDU WA ZAMBI 1975

²¹ Yesu yamba kuli iye ngwenyi, Pwo, ngufuliele, ola muyiza, muze chipwe hi mu mulundu uno ko, chipwe hi mu Yerusaleme ko, munukawayila mwe Tata.

Mukanda Wa Zambi 1970

²¹ Yesu ngwenyi: “Mama, ngufuliele ngwami, tangwa mulikeza lize kunuchi kawayila Tata ha mulundu uno hanji ku Yerusaleme.

Yoano 4:21 Iomraidhean Croise

Izaya 66:1

Yehova kanambe ngwenyi, Lilu liapwa ngunja yami, ni hashi chitwamo cha yiliato yami. Zuwo lize munungutungila lika? Kuma kwami kwa kuhwimina kuchi kwapwa?

Ezekiel 14:3

Mwana mutu, wano atu hanjisa mahamba jo mu mbunge jo, ni kusa chitalingiso cha uhenge wo kumeso jo. Te changutamba kwatayiza, chipwe hakehe, eze nikuhula kuli yami nyi?

Ezekiel 20:3

Mwana mutu, hanjika ni makulwana ja Izalele wambe kuli ayo ngwe, Mwene Yehova kanambe ngwenyi, Kuli yami nuneza nikuhula? Mwene Yehova kanambe ngwenyi, Ni mwono wami, chichi kutá nukahule kuli yami.

Malaki 1:11

Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

Mateu 18:20

Mumu kuze aali hanji atatu anakunguluka mu jina liami, kuze kwene yami kunguli mukachi ko.

Mateu 28:19

Yénu kashika, nukatayise tumbaji a ku mavungu eswe, nikwapapachisa mu jina lia Tata, ni lia Mwana, ni lia Spiritu Musandu:

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Yoano 16:2

kumakanukatwisa ku masunangonga; ewa, mwaka muwiza, muze mweswawo manushiha, makashinginyeka ngwe kanalingi milimo ya Zambi.

Yoano 16:32

Talenu, ola muyiza, ewa, hiyeza, muze munukamwangana mweswe kuli nienyi mwene, munukanguhichika ukawami; hindu yami hi nguli ukawami ko, mumu Tata hwali hamwe ni yami.

Yoano 4:23

Alioze ola muyiza, ni haliapwila hiyaheta, muze akwa kuwayila amwenemwene makawayila Tata mu uspiritu ni mu umwenemwene: mumu mwe Tata kakufupa atu ngwe wano apwe akwa kumuwayila.

Yoano 5:25

Pundu, pundu ngunambe kuli yenu ngwami, Ola muyiza, ni haliapwila hiyaheta, muze afu makevwa liji lia mwe Mwana Zambi; ni waze mevwa kumakapwa ni mwono.

Yoano 5:28

Kanda nukomoka ha chino: mumu ola muyiza, muze waze eswe ali mu matuka makevwa liji lienyi,

Yilinga 6:14

Mumu twamuvwile nikwamba ngwenyi, Yono Yesu Ka-Nazare kumakonwona kuma kuno, iye kumakalumuna ndako jize atukunjikile Mose.

Efesu 2:18

mumu muli iye yetu, eswe aali, unjililo tuli nawo muli Spiritu umuwika kuli mwe Tata.

Efesu 3:14

Ha chikuma chino nakuumba makungunwa jami kuli Tato ya Mwene wetu Yesu Kristu,

1 Timoteu 2:8

Ngunazange malunga akalembe kweswako, nikuzundula moko asandu, keshi utenu hanji kuyambashana.

1 Petulu 1:17

Nyi kachi nwakumutongola ngwenu, tata yoze keshi katonde, kakupatula nikulita ni chitanga cha mutu ni mutu, endenu ni woma, wenyi wenu weswe:

Usolwelo 21:22

Chamwenemo tembele niyimwe: mumu Mwene Zambi ya Ndundo-Jeswe, ni mwe Mwana-panga, ye tembele yalio.