Yoano 3:8 - MUKANDA USANDU WA ZAMBI 1975

⁸ Ye fuji muyipalika kweswe muyipala, ni yena muwivwa liji liayo, alioze kushi kunyingika kuze muyikatuka ni kuze muyiya: chocho apwa mweswe wakusemuka kuli Spiritu.

Mukanda Wa Zambi 1970

⁸ Fuji yakuhehukila kuze yinazange. Ni yena wakwivwa zungo liayo, alioze kuushi kunyingika kuze yineza ni kuze yinayi. Chimuwika ni yoze wakusemuka ku Mwiku wa Linanga.”

Yoano 3:8 Iomraidhean Croise

Miaso (Masamu) 107:25

Mumu mamba liji, mavundula fuji ya kangonga yize muyivundula mikanya yamo.

Miaso (Masamu) 107:29

Kakuholesa kangonga kúlú, hanga mikanya yamo yikamane chizechene.

Miaso (Masamu) 135:7

Kakwandula chishichishi ku masongo a hashi. Katutanga mihenyo ya vula. Kakuchiza fuji ku upite wenyi.

Longeshi 1:6

Fuji yakutalikisa ku Sule, yakujinga ndo ku Norte; yakulijinga jingié, mba ha kujinga chayo yakuhiluka.

Ezekiel 37:9

Aye yamba kuli yami ngwenyi, Profeteza ku mwiku; profeteza, mwana mutu, wambe ku mwiku ngwe, Mwene Yehova kanambe ngwenyi, Tweya ku fuji jiwana, ena mwiku, ufuze hali wano haashiha, akatwame ni mwono.

Yoano 1:13

aze asemukine hi ku manyinga ko, chipwe ku upale wa musunya, chipwe ku upale wa lunga, ka, alioze kuli Zambi.

Yoano 3:7

Kanda ukomoka ngwe hinamba kuli yena ngwami, Chanutamba kusemuka kwilu.

Yoano 3:9

Nikondemu wamukumbulwile ngwenyi. Ngwe kuchi yino yuma muyihasa kupwa?

Yilinga 2:2

Susumuku kwakatukile mwilu lundunjila ngwe kutakumuka cha fuji ya tachi, chazalishile zuwo lieswe, muze atwamine.

Yilinga 4:31

Muze te halemba, muma muze akungulukile mwanyikine; o eswe azalile tò ni Spiritu Musandu, mba ahanjikile liji lia Zambi ni hamu.

1 Korintu 12:11

alioze Spiritu umuwika kakulingisa yino yuma yeswe, nikwanyina kuli mutu ni mutu, chizechene ngwe mapala.

1 Korintu 2:11

Mumu iya hakachi ka atu manyingika yuma ya mutu shina spiritu ya mutu, yize yili muli iye? Chizechene yuma ya Zambi niumwe manyingika shina Spiritu ya Zambi.

1 Yoano 2:29

Kachi nunanyingika iye mwe mukwa ululi, nyingikenu mweswe wakulinga ululi kanasemewa kuli iye.