Yoano 3:5 - MUKANDA USANDU WA ZAMBI 1975

⁵ Yesu wakumbulwile ngwenyi, Pundu, pundu, ngunambe kuli yena ngwami, Mutu kahashile kunjila mu wanangana wa Zambi shina masemuka ku meya ni kuli Spiritu.

Mukanda Wa Zambi 1970

⁵ Yesu ngwenyi: “Chamwenemwene ngunakwambulwila ngwami, niumwe mahasa kunjila mu Wanangana wa Zambi, shina masemuka ku meya ni ku Mwiku wa Linanga.

Yoano 3:5 Iomraidhean Croise

Mateu 18:3

Wambile ngwenyi, Pundu ngunambe kuli yenu ngwami, Kunuchi kanjila nichimwe mu wanangana wa malilu shina munwalumuka, shina munupwa ngwe ana akepe.

Mateu 19:24

Cheka nawa ngwami, Chashi hali kamelu kupalika ndusu mu liso lia ndongo, chikalu hali pichi kunjila mu wanangana wa Zambi.

Mateu 21:31

Hakachi ka wano aali iya walingile upale wa tato? O ngwo, Mutangu. Yesu ngwenyi, Pundu ngwami, Akwa kufwetesa lijimu ni yikoi kumakanutetekela kunjila mu wanangana wa Zambi.

Mateu 28:19

Yénu kashika, nukatayise tumbaji a ku mavungu eswe, nikwapapachisa mu jina lia Tata, ni lia Mwana, ni lia Spiritu Musandu:

Mateu 3:11

Yami chamwenemwene ngunanupapachisa mu meya nulikonyeke: alioze yoze meza kunyima yami kakangana kuhiana yami, haku jenyi chatelele kujimbata: iye kumakanupapachisa muli Spiritu Musandu ni mu kahia:

Mateu 5:20

Mumu ngunambe kuli yenu ngwami, Kunuchi kanjila nichimwe mu wanangana wa malilu shina ululi wenu muuhiana uze wa akwa kusonyeka ni A-Fwariseu.

Marku 10:14

Alioze muze Yesu achimwene, evwile kupiha, wambile kuli ayo ngwenyi, Tayizenu ana akepe eze kuli yami; kanda nwakanjisa: mumu wanangana wa Zambi wa wano ene.

Marku 16:16

Yoze mafuliela, mamupapachisa, kumakamulamwina; alioze yoze keshi kufuliela, kumakamuhisa.

Marku 9:47

Nyi kachi liso lie mulikutalingisa, litombongonemo: Shinaho unjile mu wanangana wa Zambi kafwa-liso, kuchina nikupwa ni meso aali, akakumbile mu Ngehena ya kahia.

Luka 13:24

Litachikenu kunjila ku chikolo chikehe; mumu anji, ngwami, Makafupa kunjilamo, alioze kechi kahasa.

Luka 13:3

Ngwami, Ka, alioze yenu eswe kumunukatoka chizechene nyi kunwalikonyekene.

Luka 13:5

Ngwami, Ka; alioze yenu eswe kumunukatoka chizechene nyi kunwalikonyekene.

Yoano 1:13

aze asemukine hi ku manyinga ko, chipwe ku upale wa musunya, chipwe ku upale wa lunga, ka, alioze kuli Zambi.

Yoano 3:3

Yesu wamukumbulwile ngwenyi, Pundu, pundu, ngunambe kuli yena ngwami, Mutu kahashile kumona wanangana wa Zambi shina masemuka kwilu.

Yoano 3:4

Nikondemu yamba kuli iye ngwenyi, Ngwe kuchi mutu mahasa kusemuka muze mapwa mukulwana? Mahasa kunjila chisuho chamuchiali mu jimo lia naye akasemuke, nyi?

Yilinga 2:38

Petulu wambile kuli ayo ngwenyi, Likonyekenu, anupapachise mutu ni mutu wa kuli yenu mu jina lia Yesu Kristu, ha ukonekeno wa milonga; mba kumunukatambula chawana cha Spiritu Musandu.

Yilinga 3:19

Likonyekenu kashika, nyalumuke, hanga milonga yenu yikajimuke, ni chocho miaka ya kuhuzuluka yikeze ya kumeso ja Mwene;

A-ROMA 14:17

mumu wanangana wa Zambi hi kulia ko, hi kunwa ko, alioze ululi, ni sambukila, ni uwahililo muli Spiritu Musandu.

A-ROMA 8:2

Mumu shimbi ya Spiritu ya mwono muli Kristu Yesu hiyinangutusula ku shimbi ya shili ni kufwa.

1 Korintu 15:50

Achi, chino ngunambe, mandumbu, ngwami, Musunya ni manyinga kuyishi kuhasa kuhinga wanangana wa Zambi; chipwe kupola kuchichi kuhinga ungunu.

1 Korintu 2:12

Alioze kutwatambwile Spiritu ya hano hashi, alioze Spiritu yoze wa kuli Zambi; hanga tukanyingike yuma yize hanatwehe ni vumbi kuli Zambi.

1 Korintu 6:11

Ngwe wano amwe a kuli yenu nwapwile: alioze hananusanyisa, alioze hananusela ku usandu, alioze hananusambisa mu jina lia Mwene Yesu Kristu, muli Spiritu ya Zambi yetu.

Galashia 6:15

Mumu muli Kristu, chipwe ungalami kuushi ulemu chipwe ulima, ka, alioze chitanga chaha.

Efesu 5:26

hanga akachisele chisandu, akachipemese ku kusanyisa cha meya ni tachi ja liji,

1 Petulu 1:2

waze hanaatongola nikulita ni chinyingi cha kulutwe cha Zambi Tata, nikulita ni tachi ja Spiritu, ha kutusela ku usandu hanga twononoke, atusapwile ni manyinga a Yesu Kristu: Vumbi kuli yenu ni sambukila yikalumbame.

1 Petulu 3:21

Chenacho nawa ni Chizulie cha kulita haliapwila chinanulamwina, te upapachiso, hi kusano ko majilo a musunya akatuke, aiioze kutá cha mbunge yipema kuli Zambi, ku Uhindukilo wa Yesu Kristu;

1 Yoano 2:29

Kachi nunanyingika iye mwe mukwa ululi, nyingikenu mweswe wakulinga ululi kanasemewa kuli iye.

1 Yoano 5:1

Mweswawo mafuliela ngwenyi, Yesu iye mwe Kristu, kanasemuka kuli Zambi; ni mweswe mazanga yoze wasemene, mazanga nawa yoze wasemuka kuli iye.