Yoano 3:36 - MUKANDA USANDU WA ZAMBI 1975

³⁶ Yoze mafuliela mwe Mwana, mwono wa mutolo kali nawo; yoze keshi kwononoka kuli mwe Mwana, kechi kamona mwono, alioze utenu wa Zambi kuwatwama hali iye.

Mukanda Wa Zambi 1970

³⁶ Yoze wakufuliela mwe Mwana, mwono wa miaka yeswe ali nawo. Yoze keshi kwononokena Mwana, kechi kamona mwono, alioze Zambi kakumuvwila ufwatulo.

Yoano 3:36 Iomraidhean Croise

Jobe 33:28

Hakuta alma yami kanda yiya ku jondo. Mwono wami ukamone pangu.

Miaso (Masamu) 2:12

Mbejenu mwe Mwana, kuchina matenuka mba munukuwa mu jila, mumu utenu wenyi muusasaminya washi. Kawaha waze eswe akuswama muli iye. Samu lia David muze achinyine kumeso ja mwanenyi Absalome.

Miaso (Masamu) 36:9

Mumu kuli yena kwatwama lie fuji lia mwono. Mu pangu lie mba twakumona pangu.

Miaso (Masamu) 49:19

Hindu maya ku chisemuko cha akako; kechi kamona pangu, nilimwe tangwa.

Habakuke 2:4

Mbunge yenyi yinalifuzu; kuyalulamine muli iye. Alioze mukwa ululi kumenda ku Ufulielo wenyi.

Kwalula 32:11

Chamwenemwene niumwe wa kuli atu akatukile ku Engitu, chize kuli akwa makumi aali a miaka ndo kuli makulwana makamona chifuchi nalakenyene ni shingo kuhana kuli Apalahama ni kuli Izake ni kuli Yakomba, mumu te o kangukawile liakulu,

Mateu 25:46

Wano kumakaya ku lamba lia mutolo, alioze akwa ululi ku mwono wa mutolo.

Marku 16:16

Yoze mafuliela, mamupapachisa, kumakamulamwina; alioze yoze keshi kufuliela, kumakamuhisa.

Luka 2:30

mumu meso jami hamona ulamwino we.

Luka 3:6

Atu eswe kumakamona ulamwino wa Zambi.

Yoano 1:12

alioze kuli waze eswe amutambwile wahanyine chiyulo cha kupwa ana a Zambi, te kuli waze akufuliela ku jina lienyi;

Yoano 10:28

ngunaahe mwono wa mutolo; o kechi katoka nichimwe ndo ku miaka ya mutolo, mba niumwe kechi kaachangumuna ku kwoko liami.

Yoano 3:3

Yesu wamukumbulwile ngwenyi, Pundu, pundu, ngunambe kuli yena ngwami, Mutu kahashile kumona wanangana wa Zambi shina masemuka kwilu.

Yoano 4:36

Yoze macha matambula fweto, iye mahela mihuko ya kutwala ku mwono wa mutolo; hanga ni yoze makuwa ni yoze macha akawahilile hamuwika.

Yoano 5:24

Pundu, pundu, ngunambe kuli yenu ngwami, Yoze mevwa liji liami, akafuliele yoze wangutumine, mwono wa mutolo ali nawo, kechi kanjila mu upatwilo, alioze hanakatuka ku kufwa, hananjila mu mwono.

Yoano 6:58

Yino ye mbolo yahulumukine mwilu: kuchapwile ngwe tulamba twenu alile maná, afwile; yoze malia mbolo yino kumakapwa ni mwono ndo ku miaka ya mutolo.

Yoano 8:51

Pundu, pundu, ngunambe kuli yenu ngwami, Kachi umwe mafunga liji liami, iye kechi kamona kufwa nichimwe ndo ku miaka ya mutolo.

Yilinga 14:2

Alioze A-Yunda waze kononokene avundwile akwa mavungu nikwalumbula ha kutwala kuli mandumbu.

A-ROMA 4:15

mumu shimbi kuyakulinga utenu; alioze kuze kukushi shimbi, kuze Utanguko nawa kuushiko.

A-ROMA 5:9

Shinaho chikolo kashika, se hanatusambisa haliapwila ni manyinga jenyi, kuli iye makatulamwina ku utenu.

A-ROMA 8:1

Kashika uhiso wakuhi niumwe haliapwila kuli waze ali muli Kristu Yesu.

Galashia 3:10

Mumu waze eswe a ku yitanga ya shimbi, kushi lia shingo ali: mumu chinasonewa ngwo, Kashingiwa mweswe keshi kunyongonona mu yuma yize yeswe yinasonewa mu mukanda wa shimbi mukuyilinga.

Efesu 5:6

Niumwe kanda akanwonga ni maliji amokomoko: mumu ha yino yuma utenu wa Zambi kumuwiza hali akwa uhulia.

1 Tesalonika 1:10

nikutwaminyina Mwanenyi ku malilu, yoze amuhindwishile hakachi ka afu, iye Yesu, yoze wakutupulula ku utenu uze muwizaho.

1 Tesalonika 5:9

Mumu Zambi katuselele ku atenu, alioze tukazuke ulamwino kuli Mwene wetu Yesu Kristu,

Hebreu 10:29

Kuchi nunanyongo? Yoze hanaliate mwe Mwana Zambi, hanajilula manyinga a usendo aze amuselele no ku usandu, hanasaula mwe Spiritu ya vumbi, lamba lika Mamutela?

Hebreu 2:3

ngwe kuchi mutupuluka, nyi mutulengulula ulamwino upwa haha? Uze se aputukile kuwambujola ku kanwa lia Mwene, mba hanaukolesa ni makanwa ja waze evwile;

Hebreu 3:18

Kuli aya walishingile ngwenyi, Kechi kanjila mu uhwimino wami, shina kuli waze kononokeneko?

Hebreu 3:19

Mba tunamono kahashile kunjilamo mumu kafulieleleko.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.