Yoano 3:34 - MUKANDA USANDU WA ZAMBI 1975

³⁴ mumu yoze Zambi hanamutumu kakuhanjika maliji a Zambi: mumu keshi kuhana Spiritu ku njongo.

Mukanda Wa Zambi 1970

³⁴ Yoze atumine Zambi kakuhanjika maliji a Zambi, mumu Zambi keshi kuhana Mwiku wenyi ni njongo.

Yoano 3:34 Iomraidhean Croise

1 MIANANGANA 2:9

Chapwile muze te hapalika, Eliya yamba kuli Elisha ngwenyi, Eta cheswacho unazange ngukulingile shimbu kanda angutambula kuli yena. Elisha ngwenyi, Ngunalembe, yihanda yiali ya Spiritu ye yikatwame hali yami.

Miaso (Masamu) 45:7

Kuwazanga ululi; kuwavwila kole ungulungulu; kashika Zambi, Zambi ye, hanakuwayisa ni maji a uwahililo helu lia akwenu.

Izaya 59:21

Yehova kanambe ngwenyi, Ha kutwala kuli yami, usendo wami kuli ayo muupwa uno ngwami, Spiritu yami yoze watwama hali yenu ni maliji jami aze hinasa mu kanwa lienu kechi kakatuka mu kanwa lienu, chipwe mu makanwa ja ana jenu, chipwe mu makanwa ja ajikulu jenu chize ku tangwa lia musono ndo ku miaka ya mutolo. Chocho kanambe Yehova.

Alevi 7:35

Chino muchipwa chihanda cha Arone ni anenyi a malunga, cha ku milambu ya Yehova ya kulumba ni kahia, ha tangwa lize aakunjikile kuli Yehova akamulingile usasendote.

Kwalula 11:25

Yehova yahulumuka mu lelwa, yahanjika nenyi, yachiza kuli Spiritu wapwile hali iye, yamusa hali e makumi shimbiali a makulwana. Mba muze te mwe Spiritu hapwila hali ayo, o yaprofeteza, hindu kalingile chocho nawa.

Mateu 12:18

Kavumbi kami yoze hingunamutongola; Ngunamuzange chikolo, yoze muli iye mbunge yami yinawaha: Kumungukasa Spiritu yami hali iye, mba kumakambujola upatwilo kuli akwa mavungu.

Luka 4:18

Spiritu ya Mwene hwali hali yami, Mumu hananguwayisa ni maji kwambujola sango lipema kuli yiswale; Kuhindwisa waze akumakuka ku mbunge; Hanangutumu kwambujola utuswilo kuli funge, Kulawisa cha meso kuli tupuputa; Kutusula waze ali mu upinjilo.

Yoano 1:16

Mumu cha ku kulumbama chenyi yetu eswe hitunatambula, ni vumbi ha vumbi.

Yoano 15:26

Alioze muze te Chikwashi heza, yoze mungukamutuma wa kuli Tata, iye Spiritu ya umwenemwene, yoze makatuka kuli Zambi, iye kumakashindakenya hali yami;

Yoano 16:7

Alioze ngunambe umwenemwene kuli yenu ngwami, Chinafumbuka hali yenu kachi munguya; mumu kachi chichi kuya, kachi Chikwashi kechi kwiza kuli yenu; alioze kachi munguya, kachi mungukamutuma kuli yenu.

Yoano 3:17

Mumu Zambi katumine Mwanenyi hano hashi, hanga akapatwile akwa hashi, alioze hanga akwa hashi alilamwine kuli iye.

Yoano 5:26

Mumu chizechene ngwe mwe Tata mwono akwete muli iye mwene, chocho nawa wahanyine kuli mwe Mwana nawa kupwa ni mwono muli iye mwene.

Yoano 7:16

Kashika Yesu waakumbulwile, ngwenyi, Longeso liami hi nihami ko, alioze lia yoze wangutumine.

Yoano 8:40

Alioze haliapwila nwakufupa kungushiha, mutu yoze hanahanjika umwenemwene, uze hingunevu kuli Zambi: Apalahama kalingile yoyo.

Yoano 8:47

Yoze wa kuli Zambi kakwivwavwa maliji a Zambi: ha chikuma chino yenu kunushi kwevwa, mumu hi nuli akwa Zambi ko.

Yilinga 1:2

ndo ku tangwa lize, amutambwile mwilu, muze te ku tachi ja Spiritu Musandu hahana shimbi kuli apostolo waze iye waatongwele:

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

A-ROMA 8:2

Mumu shimbi ya Spiritu ya mwono muli Kristu Yesu hiyinangutusula ku shimbi ya shili ni kufwa.

Efesu 3:8

Kuli yami, nguli mukepekepe Wahiana eswe wa kuli asandu eswe, hanangwehe vumbi lino, kwambujola hakachi ka akwa mavungu sango lipema lia upite wa Kristu, uze niumwe mahasa kuunyingika;

Kolosu 1:19

Mumu che kupwa cheswe cha Uzambi chatwama muli iye nikuwaha.

Kolosu 2:9

Mumu muli iye mwatwama kuzala tò cheswe cha Uzambi mu mujimba.

Usolwelo 21:6

Iye yamba kuli yami ngwenyi, Hiyinamanunuka! Yami nguli mwe Alfwa ni mwe Omega, we uputukilo, ni lie songo. Mungukahana kuli yoze mevwa pwila ku fuji lia meya a mwono, chawana.

Usolwelo 22:1

Mba wangulwezele lwiji wa meya a mwono, wa kutemuka ngwe kristale, kanatuhuka mu ngunja ya Zambi ni mwe Mwana-panga.