Yoano 3:29 - MUKANDA USANDU WA ZAMBI 1975

²⁹ Yoze uli ni ndungi, mwe sandungi: alioze kasendo ka sandungi, yoze wakumana nikumwivwa, kakuwahilila chikolo mumu ha liji lia sandungi: uno uwahililo wami kashika unazala tò.

Mukanda Wa Zambi 1970

²⁹ Nandungi kali wa sandungi, alioze chijinjikili cha sandungi kakumana hakamwihi ni sandungi ni kumwivwa. Kakuwahilila ha kwivwa liji lienyi. Chenacho nawa uwahililo wami haliabwila hiwamanunuka.

Yoano 3:29 Iomraidhean Croise

Mwaso Ubema Wahiana 3:11

Tuhukenu, ana-mapwo a Zaione, nukatale mwanangana Solomone, ni chipangula chize naye wamusele ha tangwa lia umbachiso wenyi, ha tangwa lia chiseke cha mbunge yenyi.

Mwaso Ubema Wahiana 5:1

Hinanjila mu jardine yami, ndumbwami kanda ndungi yami. Hinahela mira yami ni tumbuto twami twa lupembo mupema. Hinalia chiputa chami hamwe ni wuchi wami. Hinanwa vinyu yami hamwe ni yamwa yami. Lienu akwetu, nwenu nawa. Nwenu kanawa akwa zango.

Izaya 54:5

Mumu Tangi ye iye lunga lie, jina lienyi Yehova-wa-Tujita. Musandu wa Izalele iye Mukwa-Kukukula, kakumutongola ngwo, Zambi ya hashi heswe.

Izaya 66:11

hanga nukamwe ku mele jenyi a kuhwimisa nukayuke; nukanwe kanawa ni chiseke ku kulumbama cha uhenya wenyi.

Jeremia 2:2

Yako ukambe mu matwi ja A-Yerusaleme ngwe, Yehova kanambe ngwenyi, Ngunewuluka kulalaminya cha ukweze we ni zango lie lia ndungi, chize wangukawile mu puya mu chifuchi chize kakuwilemo mbuto.

Ezekiel 16:8

Ha kukupalika cheka nawa nikukutala, kumanyi hiwaheta ha mwaka wa zango. Yingukuzazulwila hina liami kufuka uselesele we. Yingulishinga ni yena nikukolesa usendo ni yena (chocho kanambe Mwene Yehova), yiwalumuka niwami.

Hosea 2:19

Mungukakumbata, yami mwene, ndo ku miaka yeswe. Mungukakumbata, yami mwene, ni ululi, ni upatwilo wa kulita, ni utu wa zango, ni keke.

Mateu 22:2

Hanapwisa wanangana wa malilu ngwe mwanangana yoze walulikile ulungi hali mwanenyi,

Mateu 25:1

Hohene makapwisa wanangana wa malilu ngwe kumi lia ana-mapwo, aze anjile ndeya jo, akatuhuke mukupatwiza sandungi.

Mateu 9:15

Yesu wambile kuli ayo ngwenyi, Akwa ulungi mahasa kulinyenga shimbu sandungi mapwa hamwe no, nyi? Alioze matangwa kumakeza muze makachiza sandungi kuli ayo, mba hohene makalitwamina kulia.

Luka 15:6

Muze meza ku zuwo, matambika tusendo twenyi ni enyembo jenyi, alikungulule, ngwenyi, Wahililenu hamwe ni yami, mumu hinawana panga yami yoze wangutokanga.

Yoano 15:11

Yino yuma hinahaniika kuli yenu, hanga uwahililo wami ukapwe muli ycnu, ni uwahililo wenu ukazale tó.

Yoano 16:24

Ndo haliapwila kunwechile nichimwe mu jina liami; etenu, mba kumunukatambula, hanga uwahililo wenu ukazale tò.

Yoano 17:13

Alioze haliapwila mungwiza kuli yena; ni yino yuma ngunahanjika hano hashi, hanga uwahililo wami ukazale tò muli ayo.

Yoano 3:30

Iye chamutamba kuya nikutoha, alioze yami changutamba kuya nikukehuluka.

2 Korintu 11:2

Mumu ngunanuvwila ukwa umwe wa kuli Zambi: mumu nanulakenyene kuli lunga umuwika hanga ngukanutumbikile kuli Kristu ngwe *virgem wa kulinanga.

Filipu 2:2

zalisenu uwahililo wami, hanga nukapwe ni manyonga amuwika, ni zango limuwika, ni kulikunda chimuwika, ni kunyonga chimuwika.

1 Yoano 1:4

Yino yuma tunasoneka, hanga uwahililo wenu ukazale tò.

2 Yoano 1:12

Nguli ni yuma yinji kusoneka kuli yena, aiioze chazangile kuyisoneka ni papilo ni ulombo; aiioze ngunatalatala kwiza kuli yena, ni kuhanjika meso ni meso, hanga uwahililo wetu ukazale tò.

Usolwelo 21:9

Mba umwe wa kuli angelo shimbiali waze apwile ni misenge shimbiali, yinazala ni lamba shimbiali lia kusula, wakundamine akahanjike kuli yami, ngwenyi, Tweya kuno, mungukulweza ndungi, pwo lia mwe Mwanapanga.