Yoano 3:23 - MUKANDA USANDU WA ZAMBI 1975

²³ Ni Yoano nawa wapwile nikupapachisa mu Enone hakamwihi ni Salini, mumu kwapwile meya anji kuze, ni atu apwile nikuyaya nikutambula upapachiso.

Mukanda Wa Zambi 1970

²³ Yoano neye yapapachisa atu ku Enone hakamwihi ni Salimi, mumu kuze kwabwile meya anji. Atu te kaakwiza kuli iye, mba yaapapachisa.

Yoano 3:23 Iomraidhean Croise

Ubutukilo 33:18

Chocho Yakomba yaheta ni sambukila ndo ku chihunda cha Shekeme mu chifuchi cha Kanana, ha kukatuka ku Panda-narame. Yasa mbalaka yenyi kulutwe lia chihunda.

Jeremia 51:13

Ena watwama ku njiji jinji, wapita yuma yilemu; songo lie hilieza wanda wa mwono we hanaupatula.

Ezekiel 19:10

Noko wapwile ngwe muuva mu munda wa uva, wa kutumbulula ku meya. Wapwile ni mihuko, ni mitango yinji mumu ha kulumbama cha meya.

Ezekiel 43:2

Kumanyi uhenya wa mwe Zambi ya Izalele unakatuka ku Chivumbuko. Lundunjila wa kwiza chenyi wapwile ngwe lundunjila wa meya anji, ni hashi hahenyene ni uhenya wenyi.

Luka 3:7

Iye wambile kashika ku mbunga jize ayile kuze akaapapachise ngwenyi, Vungu lia yihili, iya hanutoweza kuchina utenu uze muwizaho?

Yoano 3:22

Kulutwe lia yino yuma, Yesu wahetele ni tumbaji twenyi ku chifuchi cha Yundeya, washimbwileko hamwe no, nikupapachisa atu.

Yoano 3:24

Mumu Yoano kanda amumbila mu zuwo lia ususu.

Usolwelo 1:15

Yiliato yenyi yapwile ya kulifwa ni kengelia ya kulejima, ngwe ja kusaya mu lutengo munene; ni liji lienyi ngwe lundunjila wa meya anji eka ni eka.

Usolwelo 14:2

Mba nevwile liji lia kukatuka mwilu, ngwe lundunjila wa meya anji eka ni eka, ngwe liji lia kukulunguza chinene: ni liji lize nevwile ngwe liji lia akwa kwimba tulialia, nikwimba ni tulialia two.

Usolwelo 19:6

Mba nevwile ngwe liji lia mbunga yinene, ngwe liji lia kukulunguza cha ngolo, ngwo, Aleluya! Mumu Mwene Zambi yetu, mwe Mukwa-Ndundo-Jeswe kanayulu!

1 Samuel 9:4

Iye yapalika ndusu mu chifuchi cha Eframe ku milundu, ni ndusu mu chifuchi cha Shalisha alioze kaawanyine. Yapalika ndusu mu chifuchi cha Shalimi, hindu akuhi. Yapalika ndusu mu chifuchi cha Mbenjamine hindu kaawanyine.