Yoano 3:21 - MUKANDA USANDU WA ZAMBI 1975

²¹ Alioze yoze wakulinga umwenemwene kakwizaza ku pangu, hanga akasolole yitanga yenyi, hanayilingi muli Zambi.

Mukanda Wa Zambi 1970

²¹ Alioze yoze wakulinga umwenemwene kakwiza ku pangu hanga yitanga yenyi yikasoloke ngwo, hanayilingi ha kwononokena Zambi.

Yoano 3:21 Iomraidhean Croise

Miaso (Masamu) 119:105

Liji lie liapwa ndeya ku yiliato yami kanda lutemo ku jila yami.

Miaso (Masamu) 119:80

Mbunge yami yikapwe yingunu mu yiyulo ye, mba chichi kevwa sonyi. Kafe

Izaya 26:12

Yehova, kumukatupalila uhwimino, hiwatulingila yitanga yetu yeswe.

Izaya 8:20

Tuyenu ku lie longeso ni ye Shindakenyo! Nyi kahanjikile nikulita ni liji lino mba kuvumbuka cha tangwa kuchishiko kuli ayo.

Hosea 14:8

Eframe makamba ngwenyi, Chika chinguliko ni mahamba nawa? Ngunatá, ngunakuhulikila meso. Nguli ngwe mutondo wa kupresu wa wisu, mihuko ye yinakatuka kuli yami.

Yoano 1:47

Yesu wamwene Natanele kaneza kuli iye, yamba ha kutwala kuli iye ngwenyi, Talenu Ka-Izalele wamwenemwene, muli iye wakuhi kalimbalimba niumwe!

Yoano 3:20

Mumu mweswe wakulinga yipi keshi kuzanga pangu, keshi kwiza ku pangu, kuchina mamukumika ha yitanga yenyi.

Yoano 5:39

Hengulenu mu yisoneko, mumu mwe muze nunashinginyeka nuli ni mwono wa mutolo; neyo yize yakushindakenya hali yami;

Yoano 7:17

Kachi umwe mapala kulinga upale wenyi, kachi makanyingika ha kutwala ku longeso, shina lia kuli Zambi, shina nakuhanjika cha kuli yami mwene.

1 Korintu 15:10

Alioze ku vumbi lia Zambi nguli chize nguli; ni vumbi lienyi lize anguhele kuliapwile liamokomoko; alioze nakilikichile kuhiana eswe: hindu hi yami ko, alioze vumbi lia Zambi lize liapwile hamwe ni yami.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

Galashia 6:8

Yoze makuwa ku musunya wenyi mwene, ku musunya kumakacha kupola; alioze yoze makuwa kuli Spiritu, kuli Spiritu makacha mwono wa mutolo.

Efesu 5:9

(mumu mihuko ya pangu yinasoloka ni upeme weswe ni ululi ni umwenemwene);

Filipu 1:11

nukazale tò ni mihuko ya ululi, yize ya kuli Yesu Kristu, ku uhenya ni uhaliso wa Zambi.

Filipu 2:13

mumu yoze wakulinga muli kuyenu iye Zambi, kupala ni kulinga ha kuwaha chenyi.

Kolosu 1:29

Ha chino nawa nakukilikita nikulitachika, nikulita ni kulinga chenyi chize chakulinga muli yami ni tachi.

Hebreu 13:21

akanupwise angunu ha yitanga yeswe yipema, mukulinga upale wenyi, akalinge muli yenu chize chakupemena chikolo kumeso jenyi, kuli Yesu Kristu; uhenya ukapwe kuli iye ndo ku miaka yeswe ya mutolo. Amene.

1 Petulu 1:22

Se hinunatomesa mbunge jenu ha kwononoka chenu ku umwenemwene, hanga nukafwile mandumbu ni kufwila chize kuchishi ulembekese, lizangenu umwe mukwo ni mukwo ku mbunge yipema ni mbunge yeswe.

1 Yoano 1:6

Kachi mutwamba ngwetu, Tunalikundu nenyi, hindu mutwenda mu milima, kachi mutuhanjika mahuza, kutushi kulinga umwenemwene.

3 Yoano 1:11

Mukwetu wa zango, kanda wimbulula yipi aiioze imbulula yipema. Yoze wakulinga yipema iye wa kuli Zambi; aiioze yoze wakulinga yipi kamweneko Zambi.

Usolwelo 3:15

Ngunanyingika yitanga ye, yena hi uli mukekema ko, chipwe hi uli muhiluka ko, ngunazange kachi wapwa mukekema hanji muhiluka,