Yoano 3:2 - MUKANDA USANDU WA ZAMBI 1975

² Iye wayile kuli Yesu ha ufuku, wambile kuli iye ngwenyi, Longeshi, tunanyingika yena uli longeshi unakatuka kuli Zambi; mumu niumwe mahasa kulinga yilayi yize yena wakulinga shina Zambi mapwa hamwe nenyi.

Mukanda Wa Zambi 1970

² Mwenawo yeza kuli Yesu te ufuku, yamwamba ngwenyi: “Longeshi, tunanyingika ngwetu, Zambi hanakutumu ha kulongesa, mumu mutu niumwe mahasa kulinga yilayi yize wakulinga yena, shina Zambi abwe hamwe nenyi.”

Yoano 3:2 Iomraidhean Croise

1 Yitanga Ya Mianangana 17:24

Pwo yamba kuli Eliya ngwenyi, Mira hinasa chinyingi uli mutu wa Zambi. Liji lia Yehova mu kanwa lie Hapwa lia pundu lume.

Izaya 51:7

Panjikenu kuli yami, yenu nwanyingika ululi, enu atu nuli ni shimbi jami mu mbunge. Kanda nuvwila woma luchoko wa atu, kutukana cho kanda chinushima.

Jeremia 38:16

Mba mwanangana Zedekia yalishinga kuli Jeremia ukawo ku lumbu ngwenyi, Ni mwono wa Yehova yoze watangile alma jetu, chichi kukushiha chipwe kukukunjika kuli wano malunga anafupu kukushiha.

Mateu 22:16

Atumine kuli iye tumbaji two, hamwe ni A-Heronde, ngwo, Longeshi, tunanyingika yena uli wamwenemwene, wakulongesa jila ya Zambi nikulita ni umwenemwene, kushi kuvwila woma niumwe: mumu kushi katonde kuli atu.

Mateu 23:7

ni kwameneka ku yitanda, ni kwavulwoka kuli atu ngwo, Longeshi.

Mateu 23:8

Alioze yenu kanda akanuvuluka ngwo, Longeshi; mumu umuwika Longeshi yenu, ni yenu eswe nuli mandumbu.

Marku 12:14

O muze ahetele, yamba kuli iye ngwo, Longeshi, tunanyingika yena uli wamwenemwene, kushi kuvwila woma niumwe; mumu kushi ni katonde kuli atu, alioze kuwakulongesa jila ya Zambi ni umwenemwene, ngwetu, Muchilita ni shimbi shina kuhana lijimu kuli Sesare, nyi? Shina ka?

Yoano 1:38

Yesu watewulukile, waamwene nikukaula, yamba kuli ayo ngwenyi, Kuchi nunafupu? O ambile kuli iye ngwo, Rapi (linalumbunuka ngwo, Longeshi), kulihi watwama?

Yoano 10:38

Alioze kachi nakuyilinga, chipwe kunushi kungufuliela, fulielenu yitanga: hanga nukanyingike, hanga nukafuliele ngwe mwe Tata mwali muli yami, ni yami muli iye.

Yoano 12:37

Alioze chipwe hanalingi kulu yilayi yinji chikolo kumeso jo, hindu kamufulielele:

Yoano 14:10

Kuchi kufuliela, yami nguli muli Tata, ni Tata muli yami, nyi? Maliji aze ngunahanjika kuli yenu, chishi kwahanjika a kuli yami mwene: alioze Tata yoze watwama muli yami, kakulinga yitanga yenyi.

Yoano 15:24

Kachi chalingile hakachi ko yitanga yize niumwe mukwo walingile, kachi keshi mulonga: alioze haliapwila hanamono, hanavwila kole nawa ni yami ni Tata.

Yoano 2:11

Chino chitangu cha ku yilayi yenyi Yesu wachilingile mu Kena, chihunda cha mv Ngalileya, nikusolola uhenya wenyi; ni tumbaji twenyi amufulielele.

Yoano 20:16

Yesu yamba kuli iye ngwenyi, Maria! Iye yatewulukila, yamba kuli iye mu limi lia Hepreu ngwenyi, Rabonai; Unalumbunuka ngwo, Longeshi yami.

Yoano 3:26

O ayile kuli Yoano, ambile kuli iye ngwo, Longeshi, yoze wapwile hamwe ni yena kuze kanda lia Yordau, yoze wamushindakenyene, kumanyi, iye kakupapachisa atu, ni eswe kakuyaya kuli iye.

Yoano 4:31

Ha shimbu lize tumbaji amulembelele ngwo, Longeshi, lienu.

Yoano 5:36

Alioze Shindakenyo yize nguli nayo yinahiana yize ya Yoano; mumu yitanga yize anguhele Tata, hanga ngukayimanunune, yitanga yiyene nakulinga, kuyakushindakenya hali yami ngwo, Tata hanangutumu.

Yoano 6:2

Mbunga yinene amukawile, mumu amwene yilayi yize alingile hali mieji.

Yoano 7:31

Alioze anji a ku mbunga amufulielele, o ambile ngwo, Muze Kristu meza malinga yilayi yahiana yize yono hanalingi, nyi?

Yoano 9:16

Amwe a kuli A-Fwariseu ambile kashika ngwo, Yono mutu hi wa kuli Zambi ko, mumu keshi kufunga tangwa lia Sambata. Alioze akwo ambile ngwo, Ngwe kuchi chivulumunyi mahasa kulinga yilayi ngwe yino? Kwapwile kulihandununa hakachi ko.

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

Yilinga 2:22

Yenu A-Izalele, ivwenu maliji ano: Yesu Ka-Nazare, lunga ashindakenyene kuli Zambi ni yipupu ni yipekesa, ni yilayi yize Zambi walingile ku kwoko lienyi mukachi kenu, chizechene ngwe nunanyingika yenwene;

Filipu 1:14

Ni anji ahiana a kuli mandumbu nikulikolela kuli Mwene ha makana jami, kanahiana kuhamuka mukuhanjika liji lia Zambi ni woma wakuhi.

Akwa Kuyula 6:27

Chocho Ngideone watwalile kumi lia malunga ngamba jenyi, yalinga chizechene ngwe Yehova hamutuma. Alioze woma evwile kuchilinga ha mwalwa mumu hali akwa zuwo Ha tato ni malunga a chihunda, kashika yachilinga ha ufuku.