Yoano 3:18 - MUKANDA USANDU WA ZAMBI 1975

¹⁸ Yoze mamufuliela keshi kumupatwila: yoze keshi kufuliela hanamupatwila kulu, mumu kafulieleleko jina lia mwe Mwana wa wika wa Zambi.

Mukanda Wa Zambi 1970

¹⁸ Yoze wakufuliela mwe Mwana kechi kahia, alioze yoze keshi kufuliela hahia kulu, mumu kafulielele ko mwe Mwana umuwika wa Zambi.

Yoano 3:18 Iomraidhean Croise

Marku 16:16

Yoze mafuliela, mamupapachisa, kumakamulamwina; alioze yoze keshi kufuliela, kumakamuhisa.

Yoano 1:12

alioze kuli waze eswe amutambwile wahanyine chiyulo cha kupwa ana a Zambi, te kuli waze akufuliela ku jina lienyi;

Yoano 1:18

Niumwe wamwene Zambi niumwe mwaka; mwe Mwana wa wika, yoze uli mu kondo ya Tata, iye hanamusolola.

Yoano 20:31

Alioze yino yinasonewa, hanga nukafuliele Yesu iye mwe Kristu, mwe Mwana Zambi; hanga ha kufuliela, nukapwe ni mwono mu jina lienyi.

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

Yoano 3:36

Yoze mafuliela mwe Mwana, mwono wa mutolo kali nawo; yoze keshi kwononoka kuli mwe Mwana, kechi kamona mwono, alioze utenu wa Zambi kuwatwama hali iye.

Yoano 5:24

Pundu, pundu, ngunambe kuli yenu ngwami, Yoze mevwa liji liami, akafuliele yoze wangutumine, mwono wa mutolo ali nawo, kechi kanjila mu upatwilo, alioze hanakatuka ku kufwa, hananjila mu mwono.

Yoano 6:40

Mumu uno we upale wa Tata, mweswawo mamona mwe Mwana, akamufuliele, akapwe ni mwono wa mutolo; mungukamuhindwisa ha tangwa lia kusula.

Yoano 6:47

Pundu, pundu, ngunambe kuli yenu ngwami, Yoze mafuliela, mwono wa mutolo ali nawo.

A-ROMA 5:1

Kashika, se ku Ufulielo hanatusambisa, sambukila tuli nayo ni Zambi kuli Mwene wetu Yesu Kristu;

A-ROMA 8:1

Kashika uhiso wakuhi niumwe haliapwila kuli waze ali muli Kristu Yesu.

A-ROMA 8:34

Iya yoze mahisa? Ngwetu, Kristu Yesu yoze wafwile hanji yoze amuhindwishile hakachi ka afu, nyi? Yoze uli ku kwoko lia chindume lia Zambi, yoze nawa wakutuhakwila, nyi?

Hebreu 12:25

Talenu kanda nulituna yoze unahanjika. Mumu kachi kapulukile muze alitunyine yoze waatumbile hano hashi, kachi kuhiana chikolo yetu kutuchi kuputuka kachi mutumba manyima kuli yoze unafumbu mwilu:

Hebreu 2:3

ngwe kuchi mutupuluka, nyi mutulengulula ulamwino upwa haha? Uze se aputukile kuwambujola ku kanwa lia Mwene, mba hanaukolesa ni makanwa ja waze evwile;

Hebreu 3:19

Mba tunamono kahashile kunjilamo mumu kafulieleleko.

1 Yoano 3:23

Ni yino ye shimbi yenyi, tukafuliele ku jina lia Mwanenyi Yesu Kristu, tukalizange umwe ni mukwo ni mukwo, chizechene ngwe hanatwehe shimbi.

1 Yoano 4:9

Muno hanasolola zango lia Zambi ha kutwala kuli yetu, te Zambi hanatumu Mwanenyi wa wika hano hashi, hanga tukapwe ni mwono kuli iye.

1 Yoano 5:10

Yoze mafuliela kuli mwe Mwana Zambi kali ni Shindakenyo muli iye mwene: yoze keshi kufuliela Zambi hanamupwisa mukwa mahuza; mumu kafulieleleko ku Shindakenyo yize hanashindakenya Zambi ha kutwala kuli Mwanenyi.

1 Yoano 5:12

Yoze uli ni mwe Mwana kali ni mwono; yoze keshi ni mwe Mwana Zambi mwono keshi nawo.