Yoano 3:17 - MUKANDA USANDU WA ZAMBI 1975

¹⁷ Mumu Zambi katumine Mwanenyi hano hashi, hanga akapatwile akwa hashi, alioze hanga akwa hashi alilamwine kuli iye.

Mukanda Wa Zambi 1970

¹⁷ Mumu Zambi katumine ko Mwanenyi akahise akwa hashi, alioze akaalamwine.

Yoano 3:17 Iomraidhean Croise

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

Mateu 18:10

Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.

Mateu 18:11

Mumu mwe Mwana Mutu haneza mukulamwina yoze watokele.

Luka 19:10

Mumu mwe Mwana Mutu wejile mukufupa ni kulamwina yoze hanatoko.

Luka 9:56

mumu mwe Mwana Mutu kejile mukwonwona mwono wa atu alioze mukuulamwina. O ayile ku chihunda chikwo.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 10:36

nunambe hali yoze Tata hanamusela ku lisandu, hanamutumu hano hashi ngwenu, Yena unashililika Zambi, mumu hinamba ngwami, Mwe Mwana Zambi yami, nyi?

Yoano 11:42

Ngunanyingika wakungwivwavwa matangwa eswe: alioze mumu ha mbunga yize akungujingilika nachamba, hanga afuliele ngwe wangutumine.

Yoano 17:18

Chizechene ngwe yena wangutumine hano hashi, chocho yami nawa hingunaatumu hashi.

Yoano 17:21

hanga o eswe akapwe umuwika; chizechene ngwe yena Tata uli muli yami, ni yami nguli muli yena, hanga o nawa akapwe umuwika muli yetu; hanga akwa hashi akafuliele ngwe wangutumine.

Yoano 17:23

yami muli ayo, ni yena muli yami, hanga Ukaapwise umuwika liakulu; hanga akwa hashi akanyingike wangutumine, no hiunaazange chizechene ngwe hiunanguzange yami.

Yoano 17:25

A Tata, mukwa ululi, akwa hashi kakunyingikineko, alioze yami nakunyingikine; ni wano anyingikine ngwe wangutumine;

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 17:8

Mumu maliji aze wanguhele, hingunaho, o aatambwile, anyingikine chamwenemwene nakatukile kuli yena, o afulielele yena wangutumine.

Yoano 20:21

Yesu kashika wambile kuli ayo cheka nawa ngwenyi, Sambukila kuli yenu: chizechene ngwe Tata hanangutumu, chocho ni yami nawa ngunanutumu.

Yoano 3:34

mumu yoze Zambi hanamutumu kakuhanjika maliji a Zambi: mumu keshi kuhana Spiritu ku njongo.

Yoano 5:36

Alioze Shindakenyo yize nguli nayo yinahiana yize ya Yoano; mumu yitanga yize anguhele Tata, hanga ngukayimanunune, yitanga yiyene nakulinga, kuyakushindakenya hali yami ngwo, Tata hanangutumu.

Yoano 5:38

Maliji jenyi katwamine muli yenu; mumu yoze amutumine iye, kunushi kumufuliela.

Yoano 5:45

Kanda nukashinginyeka ngwe yami mungukanusuma kuli Tata; kwali yoze wakunusuma ngwami, Mose, yoze kuli iye nwakutalatala.

Yoano 6:29

Yesu waakumbulwile, ngwenyi, Chino che chitanga cha Zambi, hanga nukafuliele yoze hanamutumu iye.

Yoano 6:38

Mumu hingunahulumuka mwilu, hi mukulinga upale wa yami mwene ko, alioze upale wa yoze wangutumine.

Yoano 6:40

Mumu uno we upale wa Tata, mweswawo mamona mwe Mwana, akamufuliele, akapwe ni mwono wa mutolo; mungukamuhindwisa ha tangwa lia kusula.

Yoano 6:57

Chizechene ngwe Tata mukwa mwono wangutumine, ni yami nguli ni mwono mumu hali Tata; chocho yoze mangulia, iye nawa kumapwa ni mwono mumu hali yami.

Yoano 7:29

Alioze ngunamunyingika; mumu kuli iye ngunakatuka, iye wangutumine.

Yoano 8:11

Iye wambile ngwenyi, Niumwe, Mwene. Yesu wambile kuli iye ngwenyi, Ni yami nawa chishi kukuhisa, yako kwe; chize ku haliapwila ndo ku miaka kanda ukavulumuna nawa.

Yoano 8:42

Yesu wambile kuli ayo ngwenyi, Kachi Zambi kapwa Tatenu, kachi nwanguzanga: mumu natuhukile kuli Zambi; ngunakatuka kuli iye; mumu chipwe chalijilile yami mwene, alioze iye wangutumine.

1 Yoano 2:2

Iye lie kuka ha milonga yetu; hi ha milonga yetu wika ko, alioza nawa ha milonga ya akwa hashi eswe.

1 Yoano 4:14

Yetu hitunamono, twakushindakenya ngwetu, Mwe Tangi hanatumu mwe Mwana akapwe Chilamwina cha akwa hashi.