Yoano 3:16 - MUKANDA USANDU WA ZAMBI 1975

¹⁶ Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

Mukanda Wa Zambi 1970

¹⁶ Mumu Zambi yazanga akwa hashi kuhiana. Kashika yatuma mwe Mwanenyi umuwika, hanga mweswawo mamufuliela kechi kafwa, alioze akabwe ni mwono wa miaka yeswe.

Yoano 3:16 Iomraidhean Croise

Ubutukilo 22:12

Yamba ngwenyi, Kanda usa kwoko lie hali mwana, chipwe kumulinga chimwe chuma, ka, mumu haliapwila ngunanyingika ngwami, Wakuvwila woma Zambi se kwanguminyine mwané, mwe mwané wa wika.

Ubutukilo 22:2

Yamba ngwenyi, Twala mwané, mwané wa wika unamuzange, mwe Izake, ukaye ku chifuchi cha Moria, ukamulambuleko mulambu wa kulumba ha mulundu umwe mungukulwezawo.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Mateu 9:13

Alioze yénu, nukalilongese chize muchilumbunuka ngwo, Ngunazange keke, hi chitapo ko; mumu chejile mukutambika akwa ululi, alioze mukutambika yivulumunyi alikonyeke.

Marku 12:6

Mba achili ni mukwo umuwika, mwanenyi yoze amuzangile; wamutumine ha kusula kuli ayo ngwenyi, Makalemesa mwanami.

Luka 2:14

Uhenya kuli Zambi mwilu mwahiana, Hano hashi sambukila hakachi ka atu akumuwahila.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 1:18

Niumwe wamwene Zambi niumwe mwaka; mwe Mwana wa wika, yoze uli mu kondo ya Tata, iye hanamusolola.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 10:28

ngunaahe mwono wa mutolo; o kechi katoka nichimwe ndo ku miaka ya mutolo, mba niumwe kechi kaachangumuna ku kwoko liami.

Yoano 3:15

hanga mweswawo mamufuliela, akapwe ni mwono wa mutolo.

Yoano 3:18

Yoze mamufuliela keshi kumupatwila: yoze keshi kufuliela hanamupatwila kulu, mumu kafulieleleko jina lia mwe Mwana wa wika wa Zambi.

Yoano 3:36

Yoze mafuliela mwe Mwana, mwono wa mutolo kali nawo; yoze keshi kwononoka kuli mwe Mwana, kechi kamona mwono, alioze utenu wa Zambi kuwatwama hali iye.

Yoano 6:40

Mumu uno we upale wa Tata, mweswawo mamona mwe Mwana, akamufuliele, akapwe ni mwono wa mutolo; mungukamuhindwisa ha tangwa lia kusula.

A-ROMA 5:10

Mumu kachi shimbu twapwile akwa kole, twawanyine ni Zambi ku kufwa cha Mwanenyi, Shinaho chikolo se hitunawane, makatulamwina ni mwono wenyi;

A-ROMA 5:8

Alioze Zambi kanasolola chinyingi cha zango lienyi kuli yetu, mumu shimbu te tuchili yivulumunyi, Kristu watufwilile.

A-ROMA 8:32

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?

Efesu 2:4

Alioze Zambi, mukwa keke ya kulumbama, mumu ha zango lienyi linene lize watuzangile nalio,

2 A-TESALONIKA 2:16

Alioze Mwene wetu Yesu Kristu iye mwene, ni Zambi Tata yetu, yoze hanatuzange, yoze hanatwehe kulembejeka cha mutolo, ni kutalatala chipema ku vumbi,

Titu 3:4

Alioze muze utu ni kufwila cha Zambi Chilamwina chetu chasolokele,

Hebreu 2:9

Alioze tunamono Yesu, yoze amupwishile ha shimbu likepe kushi lia angelo, mumu ha lamba lia kufwa, hanamuse chipangula cha uhenya ni ulemu, hanga ku vumbi lia Zambi akamone kufwa hali atu eswe.

1 Yoano 3:1

Nyongenu zango lipwa haha hanatwehe mwe Tata atuvuluke ngwo, Ana a Zambi. Ha chikuma chino akwa hashi katunyingikineko, mumu kamunyingikineko iye.

1 Yoano 4:19

Yetu twakuzanga, mumu iye waliangile kutuzanga.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;