Yoano 3:15 - MUKANDA USANDU WA ZAMBI 1975

¹⁵ hanga mweswawo mamufuliela, akapwe ni mwono wa mutolo.

Mukanda Wa Zambi 1970

¹⁵ hanga mweswawo mamufuliela akabwe ni mwono wa miaka yeswe.

Yoano 3:15 Iomraidhean Croise

Izaya 11:10

Ha tangwa lize mutombo wa Yese muumana ngwe mbandeira kuli mavungu. Akwa mavungu mamufupa, ni zuwo lienyi mulipwa lia uhenya.

Izaya 45:22

Tewulukilenu kuli yami akanulamwine, enu eswe mu masongo a hashi! Mumu yami nguli Zambi, kukushi mukwo.

Kwalula 21:9

Mose yafula kapela wa unengu, yamunangika ha mutondo usuku. Chapwile, nyi kapela wasumine mutu mweswawo, muze atalile kuli kapela wa unengu, yatwama ni mwono.

Mateu 18:10

Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.

Mateu 25:46

Wano kumakaya ku lamba lia mutolo, alioze akwa ululi ku mwono wa mutolo.

Marku 16:16

Yoze mafuliela, mamupapachisa, kumakamulamwina; alioze yoze keshi kufuliela, kumakamuhisa.

Luka 19:10

Mumu mwe Mwana Mutu wejile mukufupa ni kulamwina yoze hanatoko.

Yoano 1:12

alioze kuli waze eswe amutambwile wahanyine chiyulo cha kupwa ana a Zambi, te kuli waze akufuliela ku jina lienyi;

Yoano 16:33

Yino yuma hinahanjika kuli yenu, hanga muli yami nukapwe ni sambukila. Hano hashi munukapwa ni luyinda: alioze hamukenu chikolo; hingunakumbu hashi.

Yoano 20:31

Alioze yino yinasonewa, hanga nukafuliele Yesu iye mwe Kristu, mwe Mwana Zambi; hanga ha kufuliela, nukapwe ni mwono mu jina lienyi.

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

Yoano 3:36

Yoze mafuliela mwe Mwana, mwono wa mutolo kali nawo; yoze keshi kwononoka kuli mwe Mwana, kechi kamona mwono, alioze utenu wa Zambi kuwatwama hali iye.

Yoano 5:24

Pundu, pundu, ngunambe kuli yenu ngwami, Yoze mevwa liji liami, akafuliele yoze wangutumine, mwono wa mutolo ali nawo, kechi kanjila mu upatwilo, alioze hanakatuka ku kufwa, hananjila mu mwono.

Yoano 6:27

Kanda nukalinga milimo ha kulia chize cha kutoka, alioze nukalinge milimo ha kulia chize chili ni mwono wa mutolo, chenacho mwe Mwana Mutu makanwaha: mumu iye, Zambi mwe Tata hanamujiki ni Chijikilo.

Yoano 6:40

Mumu uno we upale wa Tata, mweswawo mamona mwe Mwana, akamufuliele, akapwe ni mwono wa mutolo; mungukamuhindwisa ha tangwa lia kusula.

Yoano 6:47

Pundu, pundu, ngunambe kuli yenu ngwami, Yoze mafuliela, mwono wa mutolo ali nawo.

Yilinga 13:41

Talenu, yenu akwa kaleleso, komokenu, tokenu; mumu mungulinga chitanga ha matangwa jenu, chitanga chize kunuchi kachifuliela nichimwe, kachi umwe manwambulwilacho.

Yilinga 8:36

Shimbu machiya mu jila, ahetele ku amwe meya, unuku yamba ngwenyi, Meya ano; chika chinangukwika kutambula upapachiso?

A-ROMA 5:21

Hanga chizechene ngwe shili yayulile mu kufwa, chocho nawa vumbi likayule ku ululi ndo ku mwono wa mutolo mumu hali Yesu Kristu Mwene wetu.

1 Korintu 1:18

Mumu liji lia kulusu linapu uhepuke kuli waze anatoko; alioze kuli yetu, hanatulamwina, linapu je tachi ja Zambi.

2 Korintu 4:3

Nyi kachi sango lietu linafukiwa, linafukiwa kuli waze anatoko:

Galashia 2:16

hindu nikunyingika ngwetu, Mutu keshi kumusambisa ku yitanga ya shimbi, alioze ha kufuliela Yesu Kristu, chipwe yetu twafulielele Kristu Yesu, hanga akatusambise kuufulielo kuli Kristu; hi ku yitanga ya shimbi ko: mumu ku yitanga ya shimbi kechi kasambisa niumwe.

Galashia 2:20

Hananguhachila ha kulusu hamwe ni Kristu; hi yami ko nawa nguli ni mwono, alioze Kristu yoze katwama muli yami; ni mwono uze nguli nawo mu mujimba, nguli nawo mu Ufulielo uze wa kuli mwe Mwana Zambi, yoze wanguzangile, yoze waliechele hali yami.

Hebreu 10:39

Alioze yetu hi tuli akwa kusosolokela kunyima ko ku kwonwona; aiioze tuli akwa kufuliela ha ulamwino wa mwono.

Hebreu 7:25

Kashika kanahase nawa kulamwina ndo ku songo, waze akukundama kuli Zambi mu jina lienyi, se matangwa eswe katwama ni mwono mukwahakwila.

1 Yoano 2:25

Ni chino che chilakenyo chize hanatulakenya, te mwono wa mutolo.

1 Yoano 5:1

Mweswawo mafuliela ngwenyi, Yesu iye mwe Kristu, kanasemuka kuli Zambi; ni mweswe mazanga yoze wasemene, mazanga nawa yoze wasemuka kuli iye.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.