Yoano 21:16 - MUKANDA USANDU WA ZAMBI 1975

¹⁶ Yamba kuli iye cheka nawa chisuho chamuchiali ngwenyi, Semone, mwana Yona, unanguzange, nyi? Yamba kuli iye ngwenyi, Ewa Mwene; yena unanyingika ngunakufwita. Yamba kuli iye ngwenyi, Funga mapanga jami.

Mukanda Wa Zambi 1970

¹⁶ Yamwamba chisuho cha muchaali ngwenyi: “Simone, mwana wa Yoano, unanguzange kuhiana, nyi?” Yakumbulula ngwenyi: “Ewa, Mwene, Unanyingika ngwe, ngunakuzange.” Yesu yamwamba ngwenyi: “Funga mapanga jami.”

Yoano 21:16 Iomraidhean Croise

Miaso (Masamu) 100:3

Nyingikenu ngwenu, Yehova iye Zambi, iye watutangile, tuli ninyenyi. Tuli atu jenyi; tuli mapanga a ku kelo jenyi.

Miaso (Masamu) 95:7

Mumu iye Zambi yetu. Yetu twapwa tuli atu a ku kelo jenyi. Tuli mapanga a mu kwoko lienyi. Musono nyi munwivwa liji lienyi,

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Mateu 2:6

Ni yena, Mbeteleme, mu chifuchi cha Yunda, Hi uli mukepekepe ko hakachi ka akwa kuyula ja Yunda: Mumu muli yena kumakatuhuka mukwa kuyula, Mwenawo kumakapwa kafunga ka atu jami A-Izalele.

Mateu 25:32

mavungu eswe makakunguluka kumeso jenyi: iye makaahandununa umwe kuli mukwo, chizechene ngwe kafunga mahandununa mapanga kuli pembe.

Mateu 26:72

Cheka nawa walikalile ni shingo ngwenyi, Chanyingikine yono mutu.

Luka 19:10

Mumu mwe Mwana Mutu wejile mukufupa ni kulamwina yoze hanatoko.

Yoano 18:17

Mwana-pwo, mukwa kufunga chikolo, yamba kashika kuli Petulu ngwenyi, Yena nawa uli wa kuli tumbaji twa yono mutu, nyi? Yamba ngwenyi, Hi yami ko.

Yoano 18:25

Achi Semone Petulu kanamana nikwota kahia. Ambile kashika kuli iye ngwo, Yena nawa uli umwe wa kuli tumbaji twenyi, nyi? Iye walikalile, wambile ngwenyi, Hi yami ko.

Yoano 21:17

Yamba kuli iye chisuho chamuchitatu ngwenyi, Semone, mwana Yona, unangufwila, nyi? Petulu wevwile chinyengo mumu wambile kuli iye chisuho chamuchitatu ngwenyi, Unangufwila, nyi? Yamba kuli iye ngwenyi, Mwene, yena unanyingika yuma yeswe; yena unanyingika ngunakufwila. Yesu yamba kuli iye ngwenyi, Lisa mapanga jami.

Yilinga 20:28

Keyelenu kuli yenwene, ni ku mbunga yeswe ya mapanga, yize Spiritu Musandu hananuse tulayi, mukufunga chikungulwila cha Zambi, chize azukile ni manyinga jenyi mwene.

Hebreu 13:20

Haliapwila Zambi ya sambukila, yoze wachijile cheka nawa hakachi ka afu Mwene wetu Yesu, mwe kafunga munene wa mapanga, ku manyinga ja usendo wa mutolo,

1 Petulu 2:25

Mumu yenu nwapwile nikupianguka ngwe mapanga, aiioze haliapwila hinunahilukila kuli Kafunga, Kalayi ka mbunge jenu.

1 Petulu 5:2

ngwami, Fungenu mbunga ya mapanga a Zambi, yize yili hakachi kenu, pwenu tulayi, hi ha kuzangisa ko aiioze mumu nunazange: chipwe hi mukufumbuka ko ku upite wa sonyi, aiioze mumu ha zango.

Usolwelo 7:17

Mumu mwe Mwana-panga yoze uli mukachi ka ngunja kumapwa kafunga ko, maasongwela ku mafuji ja meya a mwono: Zambi makusumuna masoji eswe ku meso jo.