Yoano 20:16 - MUKANDA USANDU WA ZAMBI 1975

¹⁶ Yesu yamba kuli iye ngwenyi, Maria! Iye yatewulukila, yamba kuli iye mu limi lia Hepreu ngwenyi, Rabonai; Unalumbunuka ngwo, Longeshi yami.

Mukanda Wa Zambi 1970

¹⁶ Yesu ngwenyi: “Maria!” Maria yatewulukila kuli Yesu, yamwamba mu liji lia hebreu ngwenyi: “Raboni!” (Kulumbunuka ngwo: “Longeshi.”)

Yoano 20:16 Iomraidhean Croise

Ubutukilo 22:1

Kulutwe lia yino yuma Zambi yeseka Apalahama. Yamba kuli iye ngwenyi, Apalahama. Iye yakumbulula ngwenyi, Yami uno.

Ubutukilo 22:11

Alioze mungelo wa Yehova mwilu yamusanyika ngwenyi, Apalahama, Apalahama. Iye yamba ngwenyi, Yami uno.

Ubutukilo 45:12

Ni yenu, meso jenu anamono, ni meso ja mwanakwetu Mbenjamine, ngwami, Kanwa lia yami mwene linahanjika ni yenu.

Kutuhuka 3:4

Yehova yamona ngwe iye hajingako mukutala, mba Zambi yamutambika ni liji lia kutuhuka ku mungonga ngwenyi, Mose, Mose. Iye yatá ngwenyi, Yami uno.

Kutuhuka 33:17

Yehova yamba kuli Mose ngwenyi, Mungulinga nawa chino hiwamba mumu hiwawana vumbi kumeso jami. Ngunakunyingika ku jina lie.

Mwaso Ubema Wahiana 3:4

Munguchikatuka kuli ayo, hinawana yoze ngunamuzange ni mbunge yami. Namukakaminya, chatayile kumwecha ndo namuhetesa ku zuwo lia mama, mwe mu chipatulo cha yoze wangumichile.

Mwaso Ubema Wahiana 5:2

Nayile tulo alioze mbunge yami yalawile. Ivwa! mukwa zango liami kanangongwela! Ngwenyi, Ngwazuiwile ndumbwami, mukwa zango liami, katele kami kanda niwami mupema mweswe, mumu mutwe wami wawula ni mume, kambu jami jawula ni mume wa ufuku.

Izaya 43:1

Alioze haliapwila Yehova yoze waatangile yena Yakomba, yoze wakuwumbile yena Izalele, kanambe ngwenyi, Kanda wivwa woma mumu hinakukula; hinakutongola ha jina lie, uli niwami.

Mateu 14:27

Alioze haze hene Yesu wahanjikile no ngwenyi, Hamukenu; yami mwene; kanda nwivwa woma.

Marku 10:51

Yesu wamukumbulwile ngwenyi, Kuchi unazange ngukulingile? Kapuputa wambile kuli iye ngwenyi, Longeshi yami, ngulaule ku meso.

Luka 10:41

Alioze Yesu wamukumbulwile ngwenyi, Marta, Marta, kuwakulipikala nikulipinjisa ha yuma yinji.

Yoano 1:38

Yesu watewulukile, waamwene nikukaula, yamba kuli ayo ngwenyi, Kuchi nunafupu? O ambile kuli iye ngwo, Rapi (linalumbunuka ngwo, Longeshi), kulihi watwama?

Yoano 1:49

Natanele wamukumbulwile ngwenyi, Longeshi, mwe Mwana Zambi yena; mwe Mwanangana wa Izalele yena.

Yoano 10:3

Iye, mukwa kufunga chikolo mamwazulwila; ni mapanga mevwa liji lienyi: iye matambika mapanga jenyi mwene ha majina jo, iye maatwala haze.

Yoano 11:28

Muze te hamba chocho, wayile, watambikile mwanakwo Maria ku tenga, ngwenyi, Longeshi heza, kanakutambika.

Yoano 13:13

Nwakunguvuluka ngwenu, Longeshi ni Mwene; nwakwamba kanawa; mumu chocho nguli.

Yoano 20:28

Tomase wamukumbulwile ngwenyi, Mwene wami kanda Zambi yami.

Yoano 3:2

Iye wayile kuli Yesu ha ufuku, wambile kuli iye ngwenyi, Longeshi, tunanyingika yena uli longeshi unakatuka kuli Zambi; mumu niumwe mahasa kulinga yilayi yize yena wakulinga shina Zambi mapwa hamwe nenyi.

Yoano 5:2

Achi, muchili mu Yerusaleme ku chikolo cha mapanga, Chitende, mu limi lia Hepreu ngwo, Mbeteseta, chili ni yingalala yitano.

Yoano 6:25

Muze te hamuwana mu sali lia Chitende, ambile kuli iye ngwo, Longeshi, mwiji muka wahetanga kuno?

Yilinga 10:3

Ha ola yamuchilivwa ya mwalwa wamwene zwalala mu usolwelo, mungelo wa Zambi, kananjila kuli iye, nikwamba kuli iye ngwenyi, Koneliu.

Yilinga 9:4

Iye walimbukile hashi, wevwile liji lia kwamba kuli iye ngwo, Saulu, Saulu, kuchi te wakunguhungumiona?

1 Samuel 3:10

Yehova yeza, yamana, yasanyika ngwe majila akwo ngwenyi, Samuel, Samuel. Mba Samuel yamba ngwenyi, Amba mumu kavumbi ke kanapanjika.

1 Samuel 3:6

Yehova cheka nawa yasanyika Samuel. Samuel yahinduka yaya kuli Eli. Yamba ngwenyi, Yami uno, se wangusanyika. Iye yakumbulula ngwenyi, Chakusanyikine mwanami. Yako upombe nawa.