Yoano 2:23 - MUKANDA USANDU WA ZAMBI 1975

²³ Muze apwile mu Yerusaleme ku Chizomboka, ku chiwanyino, anji afulielele jina lienyi, ha kumona yilayi yenyi yize apwile nikulinga.

Mukanda Wa Zambi 1970

²³ Shimbu lize te Yesu ali mu Yerusaleme ku chiwanyino cha Kubalika, anji amufulielele mumu ha yilayi yize alingilelingile.

Yoano 2:23 Iomraidhean Croise

Luka 8:13

Alioze waze ha liwe, waze muze hevwa, matambula liji ni uwahililo; ni wano keshi miji, mafuliela ha kashimbu, ni ha mwaka wa cheseko masulumioka.

Yoano 11:45

Anji kashika a kuli A-Yunda waze ejile kuli Maria, ha kumona chize alingile Yesu, amufulielele.

Yoano 2:11

Chino chitangu cha ku yilayi yenyi Yesu wachilingile mu Kena, chihunda cha mv Ngalileya, nikusolola uhenya wenyi; ni tumbaji twenyi amufulielele.

Yoano 2:13

Chizomboka cha A-Yunda muchikundama, mba Yesu wakandukile ku Yerusaleme.

Yoano 3:2

Iye wayile kuli Yesu ha ufuku, wambile kuli iye ngwenyi, Longeshi, tunanyingika yena uli longeshi unakatuka kuli Zambi; mumu niumwe mahasa kulinga yilayi yize yena wakulinga shina Zambi mapwa hamwe nenyi.

Yoano 4:45

Kashika muze ahetele ku Ngalileya A-Ngalileya amutambwile, se hanamono yuma yize yeswe alingile iye mu Yerusaleme ku chiwanyino: mumu ayo nawa ayile ku chiwanyino.

Yoano 5:36

Alioze Shindakenyo yize nguli nayo yinahiana yize ya Yoano; mumu yitanga yize anguhele Tata, hanga ngukayimanunune, yitanga yiyene nakulinga, kuyakushindakenya hali yami ngwo, Tata hanangutumu.

Yoano 6:14

Kashika muze atu amwene chilayi chize alingile Yesu, ambile ngwo, Yono chamwenemwene mwe profeta yoze meza hano hashi.

Yoano 6:2

Mbunga yinene amukawile, mumu amwene yilayi yize alingile hali mieji.

Yoano 7:31

Alioze anji a ku mbunga amufulielele, o ambile ngwo, Muze Kristu meza malinga yilayi yahiana yize yono hanalingi, nyi?

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

1 Yoano 3:23

Ni yino ye shimbi yenyi, tukafuliele ku jina lia Mwanenyi Yesu Kristu, tukalizange umwe ni mukwo ni mukwo, chizechene ngwe hanatwehe shimbi.