Yoano 2:22 - MUKANDA USANDU WA ZAMBI 1975

²² Muze te kashika hamuhindwisa hakachi ka afu, tumbaji twenyi ewulukile ngwe wambile chino; o afulielele che chisoneko, ni liji lize ambile Yesu.

Mukanda Wa Zambi 1970

²² Muze Yesu hahinduka ku kufwa, tumbaji twenyi yeewuluka chize ambile, mba yaafuliela Mukanda wa Zambi ni maliji waze ahanjekele Yesu.

Yoano 2:22 Iomraidhean Croise

Miaso (Masamu) 16:10

Mumu kuchi kuhichika mwono wami mu Shiole. Mwe musandu we kuchi kumutayiza kumona kupola.

Luka 24:26

Te kuchatambile Kristu kwivwa lamba lia yino yuma, nikunjila mu uhenya wenyi, nyi?

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Yoano 12:16

Yino yuma tumbaji twenyi kayinyingikine hatangu; alioze muze te Yesu hanjila mu uhenya wenyi, hohene ewulukile ngwe yino yuma yasonewene hali iye, ngwe alingile yino yuma kuli iye.

Yoano 14:26

Alioze Chikwashi, iye Spiritu Musandu, yoze Tata makatuma mu jina liami, iye kumakanulongesa yuma yeswe, makanwiwulwisa yuma yize nambile kuli yenu.

Yoano 16:4

Alioze yino yuma hinahanjika kuli yenu, hanga muze mwaka wayo hiweza, nukewuluke, ngwe nanwambulwilile. Ni yino yuma chambile kuli yenu chize ku uputukilo, mumu napwile hamwe ni yenu.

Yoano 2:11

Chino chitangu cha ku yilayi yenyi Yesu wachilingile mu Kena, chihunda cha mv Ngalileya, nikusolola uhenya wenyi; ni tumbaji twenyi amufulielele.

Yoano 2:17

Tumbaji twenyi ewulukile ngwe chinasonewa ngwo, Kulinga ni mbunge yeswe ha zuwo lie hichinanguli.

Yoano 2:2

alakenyene Yesu nawa ni tumbaji twenyi ku umbachiso.

Yilinga 11:16

Mba newulukile liji lia Mwene, ngwe ambile ngwenyi, Yoano chamwenemwene wapapachishile mu meya; alioze kumakanupapachisa muli Spiritu Musandu.

Yilinga 13:33

ngwo, Zambi hanachimanununa kuli yetu ana jo, se wasolwele Yesu; ngwe chinasonewa nawa mu Samu liamuchiali ngwo, Mwanami Yena, tangwa lino hingunakuseme.