Yoano 2:20 - MUKANDA USANDU WA ZAMBI 1975

²⁰ A-Yunda kashika ambile ngwo, Makumi awana a miaka ni miaka yisambano apwile nikutunga tembele yino, ni yena mukayihindwisa ha matangwa atatu, nyi?

Mukanda Wa Zambi 1970

²⁰ Ayuda yaamwamba ngwo: “Miaka makumi awana ni yisambano atungile zuwo lino, alioze yena muukalimika ha matangwa atatu, nyi?”

Yoano 2:20 Iomraidhean Croise

1 Yitanga Ya Mianangana 6:38

Ha mwaka kumi ni kashi mu kakweji ka Bulu (wamuchinake ngwo) yamana zuwo ni yihanda yalio yeswe nikulita ni cheseko chalio cheswe. Chinalumbunuka wapwile miaka shimbiali ha kulitunga.

Ezra 5:16

Kashika mwe Sheshabazare yeza, hanase fundamentu ya zuwo lia Zambi mu Yerusaleme; mba chize ku matangwa aze ndo haliapwile machitunga hindu kuliahwile.

Mateu 24:1

Yesu watuhukile mu tembele, wayile mu jila yenyi, ni tumbaji twenyi ejile kuli iye mukumwinyikina mazuwo ja tembele.

Luka 21:5

Shimbu amwe ahanjikile ha kutwala ku tembele, ngwe hayihenyamisa ni mawe apema ni milambu, wambile ngwenyi,

Yoano 1:19

Yino ye Shindakenyo ya Yoano, muze A-Yunda atumine ku Yerusaleme asasendote ni A-Levi, hanga akamuhule ngwo, Yena iya?

1 Korintu 15:4

amufunjile; amuhindwishile ha tangwa liamuchitatu nikulita ni yisoneko;