Yoano 2:19 - MUKANDA USANDU WA ZAMBI 1975

¹⁹ Yesu waakumbulwile ngwenyi, Onwonenu tembele yino, mba ha matangwa atatu mungukayihindwisa.

Mukanda Wa Zambi 1970

¹⁹ Yesu yaakumbulula ngwenyi: “Ononenu zuwo lino lia Zambi, mba ha matangwa atatu mungukalimika nawa.”

Yoano 2:19 Iomraidhean Croise

Mateu 12:40

mumu chizechene ngwe Yona wapwile matangwa atatu ni ufuku utatu mu jimo lia yishi munene; chocho mwe Mwana Mutu kumakapwa mushi lia mavu matangwa atatu ni ufuku utatu.

Mateu 16:21

Chize ku mwaka uze Yesu waputukile kulweza kuli tumbaji twenyi, ngwe chamutamba kuya ku Yerusaleme, nikwivwa lamba linji kuli makulwana ni asasendote akwa lutwe ni akwa kusonyeka, akamushihe, ni ha tangwa liamuchitatu akamuhindwise.

Mateu 27:40

Yena, Wakwonwona tembele ukayitunge ha matangwa atatu, Ulamwine yena mwene: kachi uli mwe Mwana Zambi, sunuka ha kulusu.

Mateu 27:63

ngwo, Mwene, tunewuluka yono mukwa kwonga wambile shimbu achili ni mwono ngwenyi, Kulutwe lia matangwa atatu munguhinduka.

Marku 14:58

Twamuvwile ngwenyi, Mungukonwona tembele yino ya kutunga ni moko, ni kulutwe lia matangwa atatu, mungukufunga yikwo yize kuyishi kulungiwa ni moko.

Marku 15:29

Waze apalikile amutukile, nikulihunga mitwe yo ngwo, Wóló! Yena Wakwonwona tembele, wakuyitunga ha matangwa atatu,

Marku 8:31

Iye waputukile kwalongesa, ngwenyi, Chatamba mwe Mwana Mutu kwivwa lamba linji, akalituneye kuli makulwana, ni kuli asasendote akwa lutwe, ni kuli akwa kusonyeka, akamushihe, ni kulutwe lia matangwa atatu akahinduke.

Yoano 11:25

Yesu wambile kuli iye ngwenyi, We uhindukilo ni we mwono yami: yoze mangufuliela, chipwe mafwa, hindu kumakapwa ni mwono.

Yoano 5:19

Yesu kashika waakumbulwile, ngwenyi, Pundu, pundu, ngunambe kuli yenu ngwami, Mwe Mwana keshi kuhasa kulinga nichimwe ukawenyi shina cheswacho mamona mwe Tata kakulinga: mumu yuma yeswayo akulinga iye, yino nawa mwe Mwana kakulinga chizechene.

Yilinga 2:24

mwenawo Zambi hanamuhindwisa, nikukasulula yikola ya kufwa, mumu te kahashile kukwachika ni tachi jacho.

Yilinga 2:32

Yono Yesu, Zambi hanamuhindwisa, hali iye yetu eswe tuli yela.

Yilinga 3:15

Nwashihile mwe Kaputu ka mwono; yoze Zambi wamuhindwishile hakachi ka afu; ha chino yetu tuli yela.

Yilinga 3:26

Kuli yenu hatangu, Zambi, se hanasolola Kavumbi kenyi Yesu, wamutumine mukunuwahisa, ha kunukondolola mutu mweswe ku ungulungulu wenyi.

Yilinga 6:14

Mumu twamuvwile nikwamba ngwenyi, Yono Yesu Ka-Nazare kumakonwona kuma kuno, iye kumakalumuna ndako jize atukunjikile Mose.

A-ROMA 4:24

alioze mumu hali yetu nawa, kumawalula kuli yetu twakufuliela kuli yoze wahindwishile Yesu Mwene wetu hakachi ka afu;

A-ROMA 6:4

Hanatufundu kashika hamwe nenyi ku upapachiso mu kufwa; hanga chizechene ngwe hanahindwisa Kristu hakachi ka afu akachichimieke mwe Tata, chocho yetu nawa tukende mu mwono waha.

A-ROMA 8:11

Alioze kachi Spiritu ya yoze wahindwishile Yesu hakachi ka afu watwama muli yenu, kachi yoze wahindwishile Kristu Yesu hakachi ka afu, makapwisa ni mwono nawa mijimba yenu ya kufwa mumu hali Spiritu yenyi yoze watwama muli yenu.

1 Korintu 15:12

Achi, nyi anambujola Kristu, ngwe hanamuhindwisa hakachi ka afu, ngwe kuchi amwe hakachi kenu anambe ngwo, Uhindukilo wa afu wakuhi niumwe?

Kolosu 2:12

se hananufundu hamwe nenyi mu upapachiso, mu wenawo hananuhindwisa nawa hamwe nenyi ku Ufulielo ku kulinga cha Zambi, yoze wamuhindwishile hakachi ka afu.

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.