Yoano 2:10 - MUKANDA USANDU WA ZAMBI 1975

¹⁰ Yamba kuli iye ngwenyi, Atu eswe masa hatangu vinyu yipema ni muze atu hanwa chikolo, hohene masa yize hi yipema ko: yena hiwatunga vinyu yipema ndo haliapwila.

Mukanda Wa Zambi 1970

¹⁰ Mba yamwamba ngwenyi: “Atu eswe kaakuhana vinyu yibema hatangu. Muze atu haanwa chinji, mba maahana yize hi yibema ko. Alioze yena hiwafunga vinyu yibema ndoo haliabwila!”

Yoano 2:10 Iomraidhean Croise

Ubutukilo 43:34

Yanda nawa kulia ku mesa yenyi nikuchituma kuli ayo, alioze kulia cha Mbenjamine chahianyine nicho yisuho yitano. Chocho anwine nikusehejela nenyi.

Miaso (Masamu) 104:15

ni vinyu yiza ya kuwahisa mbunge ya atu, ni maji a kulejimisa meso jenyi, ni kulia cha kutakamisa mbunge yenyi.

Mwaso Ubema Wahiana 5:1

Hinanjila mu jardine yami, ndumbwami kanda ndungi yami. Hinahela mira yami ni tumbuto twami twa lupembo mupema. Hinalia chiputa chami hamwe ni wuchi wami. Hinanwa vinyu yami hamwe ni yamwa yami. Lienu akwetu, nwenu nawa. Nwenu kanawa akwa zango.

Mateu 24:49

mba maputuka kulamba ndungo-ni-akwo, malialia, manwanwa hamwe ni akwa kuzengewa.

Luka 12:45

Alioze kachi ndungo yoze mamba mu mbunge yenyi ngwenyi, Mwene wami kanashimbula; maputuka kulamba akweze ni ana-mapwo akwa milimo, nikulialia, nikunwanwa, nikuzengewa.

Luka 16:25

Alioze Apalahama ngwenyi, Mwanami, iwuluka ngwe yena ha miaka ya mwono we, watambwile yuma ye yipema, chizechene Lazaru watambwile yuma yipi; haliapwila kanamulembejeka, ni yena uli mu upinjilo.

Yilinga 2:15

Mumu wano kazengeweleko, ngwe yenu nunashinginyeka; mumu hapwa ola yamuchitatu lume ya mwalwa;

1 Korintu 11:21

mumu ha kulia chenu, mutu ni mutu matambula kulia chenyi mwene Shimbu-kanda; mba umwe mevwa zala, ni mukwo mazengewa.

Efesu 5:18

Kanda nuzengewa ni vinyu, mu yenayo muchili chimbangwinya, alioze zalenu ni Spiritu.

1 Tesalonika 5:7

Mumu waze akuya tulo, kakuya tulo ha ufuku; ni waze akuzengewa, kakuzengewa ha ufuku.

Usolwelo 17:2

Yoze mianangana ja hashi hanalingi nenyi utanji, ni akwa hashi hanazengewa ni vinyu ya utanji wenyi.

Usolwelo 17:6

Namwene pwo kanazengewa ni manyinga ja asandu, ni manyinga ja yela ja Yesu. Muze namumwene, nakomokene ni kukomoka chinene.