Yoano 19:9 - MUKANDA USANDU WA ZAMBI 1975

⁹ iye wanjilile mu palasiu cheka nawa, yamba kuli Yesu ngwenyi, Kulihi unakatuka? Alioze kamuhele kumbululo nilimwe.

Mukanda Wa Zambi 1970

⁹ yahiluka mu zuwo, mba yahula Yesu ngwenyi: “Kulihi unakatuka?” Alioze Yesu kamukumbulwile liji nilimwe.

Yoano 19:9 Iomraidhean Croise

Izaya 53:7

Amuhungumionene, amupinjishile, alioze kapakwile kanwa lienyi. Ngwe mwana-panga yoze mamutwala ku ushihilo, ngwe panga mahola kúlú kumeso ja akwa kumutewula, chochene kapakwile kanwa lienyi.

Mateu 26:63

Alioze Yesu waholele. Sasendote wambile kuli iye ngwenyi, Shingo ngunakwehe mu jina lia Zambi ya mwono, Utwambulwile kachi yena uli mwe Kristu, mwe Mwana Zambi.

Mateu 27:27

Hohene maswalale ja nguvulu atwalile Yesu ku palasiu, akungulwile kuli iye chihuji cheswe cha maswalale.

Luka 23:9

Iye wamuhulile ni maliji anji; alioze kakumbulwile nichimwe.

Yoano 18:28

Yachiza Yesu kashika kuli Kayafwa, akaye ku palasiu ya nguvulu; kwapwile chimenemene; ene kanjilile mu palasiu, hanga kechi kulichisa: alioze hanga akalie Chizomboka.

Yoano 18:33

Pilatu kashika wanjilile cheka nawa mu palasiu, iye watambikile Yesu, wambile kuli iye ngwenyi, Mwe Mwanangana wa A-Yunda yena, nyi?

Yoano 18:34

Yesu wakumbulwile ngwenyi, Shina unambe chino cha kuli yena mwene, nyi? Shina akwo akwambulwililecho ha kutwala kuli yami?

Yoano 18:37

Pilatu kashika wambile kuli iye ngwenyi, Mba yena uli mwanangana, nyi? Yesu wakumbulwile ngwenyi, Yena unachambe ngwe, Uli mwanangana. Ha chino nasemukine, ni ha chino hinguneza hano hashi, hanga ngukashindakenye ha umwenemwene. Mweswe wa ku umwenemwene mevwa liji liami.

Yoano 19:10

Pilatu kashika yamba kuli iye ngwenyi, Kwahanjikile kuli yami, nyi? Kwanyingikine chiyulo nguli nacho cha kukutusula, ni chiyulo nguli nacho cha kukuhachila ha kulusu?

Yoano 19:8

Muze Pilatu kashika evwile liji lino, wevwile woma Wahiana;

Yoano 8:14

Yesu wakumbulwile ngwenyi, Chipwe kachi ngunashindakenya hali yami mwene, kachi Shindakenyo yami yamwenemwene; mumu ngunanyingika kuze ngunakatuka, ni kuze munguya; alioze yenu kunwanyingikine kuze ngunakatuka ni kuze munguya.

Filipu 1:28

Kanda nususuka nichimwe kuli akwa kulimika: chize chapwa kuli ayo chinyingi chamwenemwene cha kwonwona, alioze kuli yenu chinyingi cha ulamwino, uze wa kuli Zambi.

Akwa Kuyula 13:6

Mwe pwo yeza, yalweza mukwo-lunga ngwenyi, Umwe mutu wa Zambi kezanga kuli yami. Ku meso jenyi kwapwanga ngwe meso ja mungelo wa Zambi—kole ni woma. Chamuhulile kuze akatuka, neye kangulwezele jina lienyi.