Yoano 19:3 - MUKANDA USANDU WA ZAMBI 1975

³ O akundamine kuli iye, ambile ngwo, Vulie, Mwanangana wa A-Yunda! O amulambile mbangala ni moko jo.

Mukanda Wa Zambi 1970

³ yaamukundama nikumwamba ngwo: “Vulie, mwanangana wa Ayuda!” Yaamulamba mbangala.

Yoano 19:3 Iomraidhean Croise

Mateu 26:49

Haze hene wejile kuli Yesu, ngwenyi, Vulie, Longeshi! mba wamumbejele chikolo.

Mateu 27:29

Ayinjile chipangula cha mbimbo, achisele ha mutwe wenyi, ni lumbungu mu kwoko lienyi lia chindume; no aliondelele kumeso jenyi, amukekwine ngwo, Vulie! Mwanangana wa A-Yunda!

Marku 15:18

O aputukile kumumeneka ngwo, Vulie! Mwanangana wa A-Yunda!

Luka 1:28

Mungelo wejile kuli iye, wambile ngwenyi, Vulie! Yena hanakuvumbisa kuli Zambi; Mwene kwali hamwe ni yena; kuwawaha hakachi ka mapwo.

Yoano 18:22

Muze te hamba chino, umwe wa kuli tupita kanamanako walambile Yesu mbangala ngwenyi, Chocho unakumbulula kuli sasendote mukwa lutwe, nyi?

Yoano 18:33

Pilatu kashika wanjilile cheka nawa mu palasiu, iye watambikile Yesu, wambile kuli iye ngwenyi, Mwe Mwanangana wa A-Yunda yena, nyi?