Yoano 19:13 - MUKANDA USANDU WA ZAMBI 1975

¹³ Pilatu kashika muze evwile maliji ano, watwalile Yesu haze, Watwamine ha chitwamo cha upatwilo, haze anavuluka ngwo, Hakwalamawe, alioze mu limi lia Hepreu ngwo, Ngapata.

Mukanda Wa Zambi 1970

¹³ Muze hevwa maliji wano, Pilatu yatuhwisa Yesu haze, mba yatwama ha chitwamo cha ubatwilo, jina liacho: “Yize ya Mawe.” (Mu hebreu linalumbunuka ngwo: “Gabata.”)

Yoano 19:13 Iomraidhean Croise

Yishima 29:25

Kuvwila woma atu muchineha kambwila; alioze mweswe mafuliela Yehova matwama kanawa.

Longeshi 5:8

Nyi mumona kupinjisa yiswale, ni mu chifuchi chimwe kanalingi upupilo wa kuhonesa upatwilo ni ululi, kanda chikushima. Mumu umwe kwali helu akwa kunangama; kwali umwe helu lio.

Izaya 57:11

Iya wamuvwilile woma ni mwongo, kashika wahanjikile mahuza, kwangwiwulukile, kwangunyongene chipwe kamuwika? Nahola kwami ha shimbu linene, kashika kwanguvwilile nawa woma.

Jeremia 38:19

Mwanangana Zedekia yamba kuli Jeremia ngwenyi, Woma ngunevu wa A-Yunda aze hachinyina kuli A-Kaletea kuchina akangukunjike kuli ayo angupinjise.

Amose 4:7

Nanuminyine vula muze kwasala hindu tukweji atatu ku matangwa a kucha. Napwile nikutuma vula ha chihunda chimwe ni kukwika vula ha chihunda chikwo. Munda umwe watambwile vula; shimbu munda ukwo kuwatambwile mba womine.

Mateu 27:19

Alioze shimbu machitwama ha chitwamo cha upatwilo, mukwo-pwo watumine kuli iye, ngwenyi, Kanda ulinga nichimwe kuli yoze mukwa ululi; mumu namona lamba linji tangwa lino mu chilota mumu hali iye.

Luka 12:5

Alioze mungunutoweza yoze nukamuvwile woma, muvwilenu woma, yoze kulutwe lia kushiha, akwete chiyulo cha kumbila mu Ngehena; ewa, ngunambe kuli yenu ngwami, muvwilenu woma yoze!

Yoano 19:17

Iye watuhukile nikumbata kulusu yenyi, akaye kuze anavuluka ngwo, Kavwale, kuze anavulukako mu limi lia Hepreu ngwo, Ngolongota:

Yoano 19:20

Jina lino kashika anji a kuli A-Yunda atangile; mumu kuma kuze ahachilile Yesu ha kulusu kwapwile hakamwihi ni limbo; nelio liasonewene mu limi lia Hepreu, ni lia Ngresia, ni lia Roma.

Yoano 19:8

Muze Pilatu kashika evwile liji lino, wevwile woma Wahiana;

Yoano 5:2

Achi, muchili mu Yerusaleme ku chikolo cha mapanga, Chitende, mu limi lia Hepreu ngwo, Mbeteseta, chili ni yingalala yitano.

Yilinga 4:19

Alioze Petulu ni Yoano, waakumbulwile, ngwo, Shina chinate kumeso ja Zambi kupanjika kuli yenu shina kuli Zambi, chipatulenu yenu: