Yoano 19:11 - MUKANDA USANDU WA ZAMBI 1975

¹¹ Yesu wakumbulwile ngwenyi, Kushi chiyulo nichimwe hali yami kachi kakuhelecho kwilu; kashika yoze wangukunjikanga kuli yena, mulonga Wahiana ali nawo.

Mukanda Wa Zambi 1970

¹¹ Yesu ngwenyi: “Kuuchi kubwa ni chiyulo nichimwe hali yami, nyi kakuhele cho mwilu. Kashika mutu yoze unakangukunjika kuli yena halinga yibi yahiana.”

Yoano 19:11 Iomraidhean Croise

1 Sango Ja Mianangana 29:11

Unene weswe wa mbala wa yena Yehova, ni ndundo, ni uhenya, ni kukumba, ni wanangana. Mumu cheswe chili mwilu ni hashi niche. We wanangana wa yena Yehova, ni yena kuwatunda ngwe mutwe helu lia yuma yeswe.

Miaso (Masamu) 39:9

Napwile kamama, chapakwile kanwa liami mumu yena wachilingile.

Miaso (Masamu) 62:11

Zambi hanahanjika kamuwika. Kaali hinevwa chuma chino, ngwo, Ndundo japwa ja mbala ja Zambi.

Lungungu 3:37

Iya hatumina chuma mba hichapwa, ndo Mwene wachifunjikile?

Daniel 4:17

Upatwilo uno wa ku shimbi ja tulayi; chiyulo chino cha ku liji lia asandu hanga akwa mwono akanyingike, mwe Chitunda kakuyula mu wanangana wa atu, kakuuhana kuli mweswawo mapala; kakusa alelu chikolo hakachi ka atu akauyule.

Daniel 4:25

akanuhume hakachi ka atu; wendelo wenu muukapwa hakachi ka tushitu a mu yambu; makanulisa mwambu ngwe ngombe, munukawula ni mume wa mwilu, ndo tungonde shimbiali hanupalika, nukanyingike mwe Chitunda kakuyula mu wanangana wa atu nikuuhana kuli mweswawo mapala.

Daniel 4:32

mba makuhuma hakachi ka atu, ni wendelo we muukapwa hakachi ka tushitu a mu yambu. Muolia mwambu ngwe ngombe, mba tungonde shimbiali makakupalika ndo hiwalilongesa, mwe Chitunda kakuyula mu wanangana wa atu ni kuuhana kuli mweswawo mapala.

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Daniel 5:21

Yamuhuma hakachi ka atu, ni manyonga jenyi yalumuka ngwe a kashitu, ni wendelo wenyi yiupwa hakachi ka yimbulu a mu yambu. Yamulisa mwambu ngwe ngombe, ni mujimba wenyi wawulile ni mume wa mwilu, ndo hasa chinyingi ngwenyi, Zambi Chitunda kakuyula wanangana wa atu; kakusaho kuyula mweswawo mapala.

Mateu 26:65

Hohene sasendote mukwa lutwe wasonyene mahina jenyi, ngwenyi, Hashililika Zambi: kuchi tunafupu nawa hali yela? Talenu, haliapwila hinwevwa kushililika chenyi.

Mateu 27:2

Amukashile, amutwalile, akamukunjike kuli nguvulu Pilatu.

Mateu 6:13

Kanda ukatutwala kama ku cheseko, alioze tupulule kama kuli mwe mupi. Mumu we wanangana, ni je tachi, ni we uhenya, yeswe niye ndo ku miaka yeswe. Amene.

Marku 14:44

Achi, yoze wamukunjikile, waahele kulu chilayi, ngwenyi, Yoze mungumumbeja mwenawo; mukwatenu, numutwale kanawa.

Luka 22:53

Muze napwile hamwe ni yenu tangwa ha tangwa mu tembele, kunwangukwachile: alioze ola yino niyenu, ni ya je tachi ja milima.

Yoano 18:13

O amutwalile kuli Anase hatangu, mumu iye wapwile uko kuli Kayafwa, yoze wapwile sasendote mukwa lutwe ha mwaka uze wene.

Yoano 18:3

Yundase kashika te hatambula mbunga ya atu ni tupita kuli asasendote akwa lutwe ni A-Fwariseu, yaheta kuze ni masoka ni temo ni yitwa.

Yoano 19:10

Pilatu kashika yamba kuli iye ngwenyi, Kwahanjikile kuli yami, nyi? Kwanyingikine chiyulo nguli nacho cha kukutusula, ni chiyulo nguli nacho cha kukuhachila ha kulusu?

Yoano 3:27

Yoano wakumbulwile, ngwenyi, Mutu kahashile kutambula nichimwe shina mamwahacho kwilu.

Yoano 7:30

Afupile kashika kumukwata, alioze niumwe kamukwachile, mumu ola yenyi kanda yichiza.

Yoano 9:41

Yesu wambile kuli ayo ngwenyi, Kachi nuli tupuputa, kachi kunushi mulonga: alioze haliapwila nunambe ngwenu, Tunamono: kashika mulonga wenu kuunasala.

Yilinga 2:23

iye, se amukunjikile kushi nikulita ni upale ni chinyingi cha Zambi, yenu nikumukwata ni moko ja yingulungulu, hinunamuhachila ha kulusu, hinunamushihi;

Yilinga 3:13

Zambi ya Apalahama, ya Izake, ya Yakomba, Zambi ya akaka, hahana uhenya kuli Kavumbi kenyi Yesu; yoze yenu nwamukunjikile, nwalikalileye kumeso ja Pilatu, muze iye ambile kumutusula.

Yilinga 4:28

mukulinga cheswacho kwoko lie ni mana je afunjikile Shimbu-kanda.

A-ROMA 11:36

Mumu yuma yeswe kuyakatuka kuli iye, kuyakola ku tachi jenyi, yakuswila muli iye. Uhenya ukapwe kuli iye ndo ku miaka ya mutolo. Amene.

A-ROMA 13:1

Mutu mweswe akazeyele kuli waze ali ni poko ya kuyula: mumu mukwa kuyula wakuhi niumwe shina wa kuli Zambi; ni akwa kuyula aze aliko hanaaselacho kuli Zambi.

Tiangu (Jake) 1:17

Kuhana cheswe chipema ni yawana yeswe yingunu kuyakuhulumuka kwilu, kuli mwe Tato ya pangu, muli iye kumushi kwalumuka, chipwe Chizulie cha kutewuluka.

Tiangu (Jake) 4:17

Kashika kuli yoze manyingika kulinga kanawa, aiioze keshi kuchilinga, kuli iye kuchapwa shili.