Yoano 18:4 - MUKANDA USANDU WA ZAMBI 1975

⁴ Yesu kashika, nikunyingika yuma yize yeswe muyiza hali iye, watuhukile, wambile ngwenyi, Iya nunafupu?

Mukanda Wa Zambi 1970

⁴ Yesu yanyingika yuma yeswe yize muyiza hali iye. Kashika yaakundama, yaahula ngwenyi: “Iya nunafupu?”

Yoano 18:4 Iomraidhean Croise

1 Yitanga Ya Mianangana 18:10

Ni mwono wa Yehova Zambi yenu kukushi chifuchi hanji vungu kuze mwata wami katumine kunufupa, mba muze kanuwanyine yaashingisa pundu pundu ngwo, Kutwamuwanyine.

Nehemia 6:11

Yingwamba ngwami, Te nguli mutu wa kuchina? Mutu wapwa ngwe yami machinyina mu tembele kulamwina mwono wenyi, iya jina lienyi? Chichi kunjilamo.

Miaso (Masamu) 27:3

Chipwe yizavu ya tujita manguseleka ni mbalaka jo, mbunge yami kuyichi kwivwa woma. Chipwe jita muyingusangumukina, hindu mungujikiza.

Miaso (Masamu) 3:6

Chishi kwivwa woma wa tununu twa atu aze akunguseleka.

Yishima 28:1

Chingulungulu kakuchina chipwe niumwe kamuhangile; alioze akwa ululi kanahamuka ngwe ndumba.

Mateu 16:21

Chize ku mwaka uze Yesu waputukile kulweza kuli tumbaji twenyi, ngwe chamutamba kuya ku Yerusaleme, nikwivwa lamba linji kuli makulwana ni asasendote akwa lutwe ni akwa kusonyeka, akamushihe, ni ha tangwa liamuchitatu akamuhindwise.

Mateu 26:2

Nunanyingika kulutwe lia matangwa aali, Chizomboka muchipwa, mba makakunjika mwe Mwana Mutu akamuhachile ha kulusu.

Mateu 26:21

Shimbu machilia, wambile ngwenyi, Pundu ngwami, Umwe wa kuli yenu makangukunjika.

Mateu 26:31

Hohene Yesu yamba kuli ayo ngwenyi, Yenu eswe kumunukatalinga mumu hali yami ufuku uno: mumu chinasonewa ngwo, Mungulamba kafunga, mba mapanga a ku mbunga makamwangana.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Yoano 13:1

Achi, shimbu te chiwanyino cha Chizomboka kanda chiheta, Yesu nikunyingika ola yenyi hiyeza akatuke hashi akaye kuli mwe Tata, se hanazange nienyi mwene, waze apwile hano hashi, waazangile ndo ku songo.

Yoano 13:11

Mumu wanyingikine yoze mamukunjika; kashika wambile ngwenyi, Kunwapemene eswe.

Yoano 18:5

Amukumbulwile ngwo, Yesu Ka-Nazare. Yesu yamba kuli ayo ngwenyi, Yami nguli. Ni Yundase, yoze wamukunjikile, wamanyine hamwe no.

Yoano 18:7

Cheka nawa waahulile ngwenyi, Iya nunafupu? O ambile ngwo, Yesu Ka-Nazare.

Yoano 19:28

Kulutwe lia chino, Yesu, se kananyingika yuma yeswe hiyamanunuka, hanga chisoneko chikamanunuke, yamba ngwenyi, Pwila ngunevu.

Yoano 6:64

Alioze kwali amwe a kuli yenu keshi kufuliela. Mumu Yesu wanyingikine chize ku uputukilo waze kafulieleleko, ni yoze mamukunjika.

Yilinga 2:28

Yena hiunangunyingikisa majila ja mwono; mukanguzalisa ni chiseke kumeso je.

1 Petulu 4:1

Kashika chizechene ngwe Kristu hanevu lamba mu musunya, lipakatenu nawa ni kunyonga chimuwika; mumu yoze hanevu lamba mu musunya hanalitwamina ku shili;