Yoano 18:13 - MUKANDA USANDU WA ZAMBI 1975

¹³ O amutwalile kuli Anase hatangu, mumu iye wapwile uko kuli Kayafwa, yoze wapwile sasendote mukwa lutwe ha mwaka uze wene.

Mukanda Wa Zambi 1970

¹³ Hatangu yaamutwala maha Anase, Anase te Ukwe wa Kaifa mwata wa mahako ha mwaka uze.

Yoano 18:13 Iomraidhean Croise

Mateu 26:3

Hohene asasendote akwa lutwe, ni makulwana ja atu, akungulukile ku yize ya sasendote mukwa lutwe, yoze ngwo, Kayafwa.

Mateu 26:57

Waze akwachile Yesu amutwalile kuli sasendote mukwa lutwe Kayafwa, kuze akungulukile akwa kusonyeka ni makulwana.

Luka 3:2

ha usasendote wa lutwe wa Anase ni Kayafwa, liji lia Zambi liejile kuli Yoano, mwana Zakaria, mu puya.

Yoano 11:49

Alioze umwe wa kuli ayo, Kayafwa, se wapwile sasendote mukwa lutwe ha mwaka uze wene, wambile kuli ayo ngwenyi, Yenu kunwanyingikine nichimwe.

Yoano 11:51

Alioze chino kambileko cha kuli iye mwene; alioze se wapwile sasendote mukwa lutwe ha mwaka uze, waprofetezele ngwenyi, Yesu mafwila lie vungu lieswe;

Yoano 18:24

Anase kashika wamutumine wa kukasa kuli Kayafwa sasendote mukwa lutwe.

Yoano 18:28

Yachiza Yesu kashika kuli Kayafwa, akaye ku palasiu ya nguvulu; kwapwile chimenemene; ene kanjilile mu palasiu, hanga kechi kulichisa: alioze hanga akalie Chizomboka.

Yoano 19:11

Yesu wakumbulwile ngwenyi, Kushi chiyulo nichimwe hali yami kachi kakuhelecho kwilu; kashika yoze wangukunjikanga kuli yena, mulonga Wahiana ali nawo.

Yilinga 4:6

Ni Anase, sasendote mukwa lutwe hamwe ni Kayafwa, ni Yoano, ni Alezandre, ni eswe a ku munyachi wa sasendote mukwa lutwe.