Yoano 18:12 - MUKANDA USANDU WA ZAMBI 1975

¹² Ye mbunga kashika hamwe ni kapitau, ni tupita twa A-Yunda akwachile Yesu, amukashile.

Mukanda Wa Zambi 1970

¹² Ye mbunga ya tujita hamwe ni mukulwana wo ni tufunga twa Ayuda yaakwata Yesu yaamukasa.

Yoano 18:12 Iomraidhean Croise

Ubutukilo 22:9

Chocho yaheta kuma kuze Zambi hamulweza. Apalahama yatungako chilumbilo, yatengekaho kunyi, yakasa mwanenyi Izake, yamusa ha chilumbilo ha kunyi.

Ubutukilo 40:3

Yaafunga mu zuwo lia kapitau ka tulayi, mu zuwo lia ususu muze mwayikilile José.

Miaso (Masamu) 118:27

Yehova iye Zambi, hanatwehe pangu. Kasa chitapo ni mihipu chipwe ku mbinga ja chilumbilo.

Mateu 26:57

Waze akwachile Yesu amutwalile kuli sasendote mukwa lutwe Kayafwa, kuze akungulukile akwa kusonyeka ni makulwana.

Mateu 27:2

Amukashile, amutwalile, akamukunjike kuli nguvulu Pilatu.

Mateu 27:27

Hohene maswalale ja nguvulu atwalile Yesu ku palasiu, akungulwile kuli iye chihuji cheswe cha maswalale.

Marku 14:53

O atwalile Yesu kuli sasendote mukwa lutwe. Yakungama kuli iye asasendote eswe akwa lutwe ni makulwana ni akwa kusonyeka.

Marku 15:1

Haze hene ha chimenemene, asasendote akwa lutwe hamwe ni makulwana ni akwa kusonyeka, ni akwa kuyula, yatwama punga, yakasa Yesu, yamutwala, yamukunjika kuli Pilatu.

Luka 22:54

O yamukwata, yamutwala, yamuneha ku zuwo lia sasendote mukwa lutwe; alioze Petulu wakawile kanonajila.

Yoano 18:3

Yundase kashika te hatambula mbunga ya atu ni tupita kuli asasendote akwa lutwe ni A-Fwariseu, yaheta kuze ni masoka ni temo ni yitwa.

Yilinga 10:1

Kwapwile umwe lunga mu Sesarea, jina lienyi Koneliu, kapitau ka mukana wa maswalale uze anauvuluka ngwo, Wa Halia,

Yilinga 21:31

Shimbu afupile kumushiha, liji liahetele kuli manjolo wa chihuji cheswe, ngwo, Limbo lieswe lia Yerusaleme linazunguluka.

Yilinga 21:37

Alioze shimbu te himamunjisa mu mbonge, Paulu yamba kuli manjolo ngwenyi, Ngutayize kama ngwambe chuma chimwe kuli yena. Iye wambile ngwenyi, Yena unahanjika Ngresia, nyi?

Yilinga 23:10

Muze Chizungozungo chinene chavundukile, manjolo, nikwivwa woma kuchina matanwona Paulu yihanda, wambile mbunga ya maswalale apalumuke, akamuchize ni tachi mukachi ko, akamunjise mu mbonge.

Akwa Kuyula 16:21

A-Filistea amukwachile, yamutombongona meso jenyi, yamutwala ku Ngeza, yamukasa ni kúli ja unengu, watwile wunga mu utwilo wa zuwo lia ususu.