Yoano 18:11 - MUKANDA USANDU WA ZAMBI 1975

¹¹ Yesu kashika wambile kuli Petulu ngwenyi, Tomeka katana ke mu chindalo: musenge uze anguhele Tata chichi kuunwa, nyi?

Mukanda Wa Zambi 1970

¹¹ Alioze Yesu yambila Petulu ngwenyi: “Kala! Tomeka mukwale we mu chindalo. Unanyongo ngwe, chichi kanwa musenge wa lamba uze Tata anguhele, nyi?”

Yoano 18:11 Iomraidhean Croise

2 Samuel 16:10

Mwanangana ngwenyi, Enu ana ja Zeluia yika yili hakachi ka yenu ni yami? Se kanatuku, se Yehova hanamwambe ngwenyi, Tuka David, mba yoze mamba ngwenyi, Kuchi te hiwachilinga, iya?

Miaso (Masamu) 75:8

Mumu musenge muuli mu kwoko lia Yehova ni vinyu yamo yinafuluka. Wapwa wa tò ni kuchinga, neye kumakautehuna. Chamwenemwene yisele yayo mayitehuna kuli yingulungulu a hashi akayinwe.

Ezekiel 23:31

Hiwakaula mu jila ya yayenu, kashika musenge wenyi mungukausa mu kwoko lie.

Mateu 20:22

Alioze Yesu wakumbulwile ngwenvi, Kunwanyingikine chize nunechi. Munuhasa kunwa musenge uze mungunwa yami, nyi? Munuhasa kutambula upapachiso uze mangupapachisa nawo, nyi? Ngwo, Mutuhasa.

Mateu 26:39

Wasosolokele kulutwe hakepe, wafulamanyine nikulemba ngwenyi, Tata, nyi muchitá, musenge uno ukatuke kuli yami: hindu kanda chikapwa ngwe yami ngunapale, alioze ngwe yena unapale.

Mateu 26:42

Cheka nawa chisuho chamuchiali wasosolokele, walembele ngwenyi, Tata, kachi musenge uno kuushi kuhasa kukatuka kuli yami, shina munguunwa, upale we ulingiwe.

Luka 12:30

Mumu yuma yino yeswe mavungu a hashi kakuyifupa; ni Tatenu kananyingika ngwe nwakufupafupa yino yuma.

Luka 22:42

Tata, kachi unapale, Chiza kama musenge uno kuli yami, hindu hi upale wami ko, alioze niwe, ukalingiwe.

Yoano 15:10

Kachi munufunga shimbi jami kachi munukatwama mu zango liami; chizechene ngwe yami nafungile shimbi ja Tata, natwama mu zango lienyi.

Yoano 17:24

Tata, ngunazange waze nawa hiunangwehe akapwe hamwe ni yami kuze nguli, hanga akatale uhenya wami, uze wanguhele; mumu wanguzangile shimbu kanda asela fundamentu ya hashi.

Yoano 18:36

Yesu wakumbulwile ngwenyi, Wanangana wami hi wa hashi ko: kachi wanangana wami muupwa wa hashi, kachi tumbaji twami malitachika, hanga kechi kangukunjika kuli A-Yunda: alioze haliapwila wanangana wami hi wa hano ko.

Yoano 20:17

Yesu yamba kuli iye ngwenyi, Kanda ungukwata; mumu kanda nguchizezuka kuli mwe Tata: alioze yako kuli mandumbu jami, ukambe kuli ayo ngwe, Munguzezuka kuli Tata kanda Tatenu, ni Zambi yami kanda Zambi yenu.

2 Korintu 10:4

(Mumu yitwa yetu ya jita hi ya musunya ko, alioze ya tachi nikulita ni Zambi ya kupupa yuma ya tachi;)

2 Korintu 6:7

ku liji lia umwenemwene, ku tachi ja Zambi; ku yitwa ya ululi ku kwoko lia chindume, ni ku chimeso.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.