Yoano 17:8 - MUKANDA USANDU WA ZAMBI 1975

⁸ Mumu maliji aze wanguhele, hingunaho, o aatambwile, anyingikine chamwenemwene nakatukile kuli yena, o afulielele yena wangutumine.

Mukanda Wa Zambi 1970

⁸ Mumu hingunaalongesa maliji waze wangwambile, haanaatayiza. Kaananyingika ngwo, kaali amwenemwene, ni kaanafuliela ngwo, yena wangutumine.

Yoano 17:8 Iomraidhean Croise

Yishima 1:23

Muze mungunukanjisa, hialumukenu. Mungusolola kuli yenu manyonga jami. Mungununyingikisa maliji jami.

Yishima 1:3

akalilongese mana, ni ululi, ni upatwilo, ni kulita;

Yishima 2:1

Mwanami, nyi mutambula maliji jami; nyi mupachikila shimbi jami,

Yishima 4:10

Panjika, mwanami. Tambula yambo yami hanga miaka ya mwono we yikapwe yinji.

Yishima 8:10

Tambula kufumba chami, chahiana prata. Tambula chinyingi chami, chahiana oru yipema.

Mateu 13:11

Iye waakumbulwile, ngwenyi, Yenu hananwehecho kunyingika yijimbikilo ya wanangana wa malilu, alioze o kaahelecho.

Yoano 12:49

Mumu chahanjikile cha kuli yami mwene; alioze Tata yoze wangutumine, iye mwene hanangwehe shimbi, chize mungwamba, ni chize munguhanjika.

Yoano 14:10

Kuchi kufuliela, yami nguli muli Tata, ni Tata muli yami, nyi? Maliji aze ngunahanjika kuli yenu, chishi kwahanjika a kuli yami mwene: alioze Tata yoze watwama muli yami, kakulinga yitanga yenyi.

Yoano 15:15

Chichi kunuvuluka nawa ngwami, Ndungo; mumu ndungo kanyingikineko chize Mwene wenyi malinga; alioze hingunanuvuluka ngwami, Tusendo; mumu yuma yize yeswe nevwile kuli Tata, hingunanunyingikisayo.

Yoano 16:27

mumu Tata iye mwene kananuzange, mumu hinunanguzange, hinunafuliela ngwe nakatukile kuli Tata.

Yoano 16:30

Haliapwila tunanyingika yena kuunanyingika yuma yeswe, kuchatambile umwe kukuhula; ha chino tunafuliela unakutuka kuli Zambi.

Yoano 17:14

Hingunahe liji lie; hi akwa hashi Kanaavwila kole, mumu o hi akwa hashi ko, chizechene ngwe yami hi nguli mukwa hashi ko.

Yoano 17:18

Chizechene ngwe yena wangutumine hano hashi, chocho yami nawa hingunaatumu hashi.

Yoano 17:21

hanga o eswe akapwe umuwika; chizechene ngwe yena Tata uli muli yami, ni yami nguli muli yena, hanga o nawa akapwe umuwika muli yetu; hanga akwa hashi akafuliele ngwe wangutumine.

Yoano 17:23

yami muli ayo, ni yena muli yami, hanga Ukaapwise umuwika liakulu; hanga akwa hashi akanyingike wangutumine, no hiunaazange chizechene ngwe hiunanguzange yami.

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 3:17

Mumu Zambi katumine Mwanenyi hano hashi, hanga akapatwile akwa hashi, alioze hanga akwa hashi alilamwine kuli iye.

Yoano 3:33

Yoze hanatambula Shindakenyo yenyi hanase chinyingi chenyi ngwenyi, Zambi iye wamwenemwene;

Yoano 6:68

Semone Petulu wamukumbulwile ngwenyi, Mwene, kuli iya mutuya? Yena e maliji a mwono wa mutolo uli no.

Yoano 8:42

Yesu wambile kuli ayo ngwenyi, Kachi Zambi kapwa Tatenu, kachi nwanguzanga: mumu natuhukile kuli Zambi; ngunakatuka kuli iye; mumu chipwe chalijilile yami mwene, alioze iye wangutumine.

1 Korintu 11:23

Mumu natambwile kuli Mwene, chize yami nawa nanukunjikilecho, ngwe Mwene Yesu ha ufuku uze amukunjikile, wanjile mbolo;

1 Korintu 15:1

Alioze ngunanunyingikisa, mandumbu, sango lipema lize nanwambujolele, lize nawa nwatambwile, mwenamo nawa nunamana;

Shimbi 18:18

Mungukaasolwela profeta hakachi ka usoko wo, malifwa ni yena; mungusa maliji jami mu kanwa lienyi, iye kumakambulula kuli ayo yeswe mungumwambayo.

1 Tesalonika 2:13

Ha chikuma chino twakusakwila kuli Zambi, nikulitwamina nichimwe, ngwe muze nwatambwile liji lia sango lia Zambi kuli yetu, nwalitambwile hi ngwe liji lia atu ko, alioze chizechene ngwe liapwa chamwenemwene, liji lia Zambi, lienalio nawa kuliakulinga kanawa muli yenu akwa kufuliela.

1 Tesalonika 4:1

Ha yize yinasala, mandumbu, tunaliumbu, nikunushinjila muli Mwene Yesu, chizechene ngwe nwatambwile kuli yetu, ngwe chize Chanutamba kwenda ni kupemena kuli Zambi, chizechene ngwe nwakwenda, hanga nukalumbamemo nawa ni nawa.

1 Yoano 4:14

Yetu hitunamono, twakushindakenya ngwetu, Mwe Tangi hanatumu mwe Mwana akapwe Chilamwina cha akwa hashi.

Usolwelo 1:1

Usolwelo wa Yesu Kristu, uze Zambi wamuhele mukulweza kuli ndungo jenyi chize chatamba kupwa nikawashi: iye watumine mungelo waulwezele ni yilayi kuli ndungo yenyi Yoano.