Yoano 17:5 - MUKANDA USANDU WA ZAMBI 1975

⁵ Haliapwila, nguchichimieke, Tata, hamwe ni yena ni uhenya uze napwile nawo hamwe ni yena, muze te hashi kanda hapwa.

Mukanda Wa Zambi 1970

⁵ Tata, haliabwila muze nguli ku meso je, ngwehe uhenya uze nabwile nawo hamwe ni yena muze te hashi kanda habwa.

Yoano 17:5 Iomraidhean Croise

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Yoano 1:18

Niumwe wamwene Zambi niumwe mwaka; mwe Mwana wa wika, yoze uli mu kondo ya Tata, iye hanamusolola.

Yoano 10:30

Yami ni Tata tuli umuwika.

Yoano 14:9

Yesu yamba kuli iye ngwenyi, Nguli hamwe ni yenu shimbu lipwa haha, hindu kwangunyingikine, Fwilipe? Yoze wangumona, hamona mwe Tata; ngwe kuchi unambe ngwe, Tulweze kama mwe Tata?

Yoano 17:1

Yesu wahanjikile yino yuma; iye nikuhetula meso jenyi kwilu, wambile ngwenyi, Tata, ola hiyeza; chichimieka Mwané, hanga Mwané nawa akakuchichimieke.

Yoano 17:24

Tata, ngunazange waze nawa hiunangwehe akapwe hamwe ni yami kuze nguli, hanga akatale uhenya wami, uze wanguhele; mumu wanguzangile shimbu kanda asela fundamentu ya hashi.

Yoano 3:13

Mba niumwe wazezukile mwilu shina yoze wahulumukine mwilu, mwe Mwana Mutu, mwenawo mwilu mwali.

Yoano 8:58

Yesu wambile kuli ayo ngwenyi, Pundu, pundu, ngunambe kuli yenu ngwami, Muze te Apalahama kanda apwa, yami nguli.

Filipu 2:6

Iye se chimuwika apwa ni Zambi, kanyongene ngwenyi, Kulita ni Zambi chuma chamutamba kuchipunda.

Hebreu 1:10

Chikwo ngwenyi, Yena, Mwene, ha uputukilo wasele fundamentu ya hashi, ni malilu anapu ye yitanga ya moko je.

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

1 Petulu 1:20

Amunyingikine chamwenemwene shimbu kanda asela fundamentu ya hashi, aiioze hanamusolola ha kusula songo lia miaka mumu hali yenu.

1 Petulu 1:21

Yenu, kuli iye nwakufuliela Zambi, yoze wamuhindwishile hakachi ka afu, wamuhele uhenya; hanga Ufulielo wenu ni kutalatala chenu chikapwe muli Zambi.

1 Yoano 1:2

(hanasolola mwono, mba hitunamono, twakushindakenya, tunanwambulwila mwono wa mutolo, yoze wapwile hamwe ni mwe Tata, hanamusolola kuli yetu);

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.

Usolwelo 3:21

Yoze makumba mungumwaha mukutwama hamwe ni yami ha ngunja yami, chizechene ngwe ni yami nawa hingunakumbu, hingunatwama hamwe ni Tata ha ngunja yenyi.