Yoano 17:4 - MUKANDA USANDU WA ZAMBI 1975

⁴ Nakuchichimiekene hano hashi; se hingunamanununa chitanga chize wanguhele kulinga.

Mukanda Wa Zambi 1970

⁴ Hingunasolola uhenya we hano hashi. Hingunamanununa milimo yize wanguhele kulinga.

Yoano 17:4 Iomraidhean Croise

Luka 22:37

Mumu ngunambe kuli yenu ngwami, Chatamba chino chinasonewa kumanunuka muli yami ngwo, Amwalwile hamwe ni yitanguke: mumu yuma ya kutwala kuli yami songo yikwete.

Yoano 12:28

Tata, chichimieka jina lie. Kashika liji liatuhukile mwilu ngwo, Hingunalichichimieka, kumungukalichichimieka cheka nawa.

Yoano 14:13

Cheswacho munwita mu jina liami, kumunguchilinga, hanga achichimieke Tata muli mwe Mwana.

Yoano 14:31

alioze hanga akwa hashi akanyingike ngwe nakuzanga Tata; chizechene ngwe Tata wanguhele shimbi, chocho nakulinga. Katukenu, tuyenu.

Yoano 15:10

Kachi munufunga shimbi jami kachi munukatwama mu zango liami; chizechene ngwe yami nafungile shimbi ja Tata, natwama mu zango lienyi.

Yoano 19:28

Kulutwe lia chino, Yesu, se kananyingika yuma yeswe hiyamanunuka, hanga chisoneko chikamanunuke, yamba ngwenyi, Pwila ngunevu.

Yoano 19:30

Muze te kashika Yesu hatambula vinagre, wambile ngwenyi, Chinamanunuka: iye washachilile mutwe wenyi, wakunjikile Spiritu yenyi.

Yoano 4:34

Yesu yamba kuli ayo ngwenyi, Kulia chami ngukalinge upale wa yoze wangutumine, hanga ngukamanunune milimo yenyi.

Yoano 5:36

Alioze Shindakenyo yize nguli nayo yinahiana yize ya Yoano; mumu yitanga yize anguhele Tata, hanga ngukayimanunune, yitanga yiyene nakulinga, kuyakushindakenya hali yami ngwo, Tata hanangutumu.

Yoano 9:3

Yesu wakumbulwile ngwenyi, Chipwe yono kavulumwine, chipwe yisemi jenyi, ka: alioze hanga akasolole yitanga ya Zambi muli iye.

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

2 Timoteu 4:7

Hingunalitachika kulitachika chipema, hingunamanununa kuma kwami kwa kuzomboka, hingunafungu Ufulielo.